തിരുവല്ല: മാർത്തോമ്മാ ട്രോഫിക്ക് വേണ്ടിയുള്ള അഖില കേരള ഫുട്ബോൾ ടൂർണമെന്റിന്റെ ക്വാർട്ടറിൽ കഴിഞ്ഞ വർഷത്തെ റണ്ണർ അപ്പായ പഴഞ്ഞി എം.ഡി കോളേജ് (3 - 1) ന് ചങ്ങനാശേരി എസ്.ബി കോളേജിനെ പരാജയപ്പെടുത്തി സെമിയിൽ പ്രവേശിച്ചു. അവസാന ക്വാർട്ടറിൽ സെന്റ് തോമസ് തൃശൂർ (4 - 0) മഹാരാജാസ് എറണാകുളത്തിനെ പരാജയപ്പെടുത്തി സെമിയിൽ പ്രവേശിച്ചു. ഇന്ന് ഉച്ചയ്ക്ക്ശേഷം 3.30ന് നടക്കുന്ന ആദ്യ സെമിയിൽ കോട്ടയം ബസേലിയോസ് കോളേജും ഇരിങ്ങാലക്കുട ക്രൈസ്റ്റും ഏറ്റുമുട്ടും. രണ്ടാംസെമി മത്സരത്തിൽ പഴഞ്ഞി എം.ഡി കോളേജ്, തൃശൂർ സെന്റ് തോമസ് കോളേജിനെ നേരിടും.