പത്തനംതിട്ട: ശബരിമല വനപാതയിൽ ചാലക്കയത്ത് കെ.എസ്.ആർ.ടി.സി നോൺ എ.സി ജൻറം ബസിന് തീ പിടിച്ചു. ആളപായമില്ല. ബസ് പൂർണമായി കത്തിപ്പോയി. ഇന്നലെ വൈകിട്ട് ആറരയോടെയായിരുന്നു സംഭവം. ശബരിമലയിലേക്ക് തീർത്ഥാടകരുമായി പോവുകയായിരുന്നു. ടയർ പൊട്ടിത്തെറിച്ച് തീ പിടിക്കുകയായിരുന്നു. സ്വാമിമാരെ മറ്റൊരു ബസിൽ പമ്പയിലെത്തിച്ചു.പരിഭ്രാന്തരായ ചില സ്വാമിമാരെ പമ്പ ഗവ. ആശുപത്രിയിലേക്ക് മാറ്റി അൻപതോളം സ്വാമിമാർ ബസിലുണ്ടായിരുന്നു. കാലിന് ചെറിയ പൊള്ളലേറ്റ മൂന്ന് സ്വാമിമാർക്ക് പമ്പ ആശുപത്രിയിൽ ചികിത്സ നൽകി വിട്ടയച്ചു. പത്തനംതിട്ട , റാന്നി ഫയർ ഫോഴ്‌സ് യൂണിറ്റുകെളെത്തി തീയണച്ചു.