പത്തനംതിട്ട: ശബരിമല വനപാതയിൽ ചാലക്കയത്ത് കെ.എസ്.ആർ.ടി.സി നോൺ എ.സി ജൻറം ബസിന് തീ പിടിച്ചു. ബസ് പൂർണമായി കത്തിപ്പോയി.ആളപായമില്ല. ഇന്നലെ വൈകിട്ട് ആറരയോടെയാണ്സംഭവം. ശബരിമലയിലേക്ക് തീർത്ഥാടകരുമായി പോവുമ്പോൾ ടയർ പൊട്ടിത്തെറിച്ച് തീ പിടിക്കുകയായിരുന്നു.തീർത്ഥാടകരെ മറ്റൊരു ബസിൽ പമ്പയിലെത്തിച്ചു.പരിഭ്രാന്തരായ ചിലരെ പമ്പ ഗവ. ആശുപത്രിയിലേക്ക് മാറ്റി. അൻപതോളം തീർത്ഥാടകർ ബസിലുണ്ടായിരുന്നു. കാലിന് ചെറിയ പൊള്ളലേറ്റ മൂന്നുപേർക്ക് പമ്പ ആശുപത്രിയിൽ ചികിത്സ നൽകി വിട്ടയച്ചു. പത്തനംതിട്ട , റാന്നി ഫയർ ഫോഴ്‌സ് യൂണിറ്റുകെളെത്തി തീയണച്ചു.