റാന്നി: മാടമൺ ശ്രീനാരയണ കൺവെൻഷൻ നഗറിൽ സുകർമ്മ ഹെൽത്ത്​ ഫൗണ്ടേഷൻ ആൻഡ് ഇ.കെ നായനാർ പെയ്​ൻ ആൻഡ് പാലിയേറ്റീവ് കെയർ പ്രവർത്തകരുടെ സേവനം ശ്രദ്ധേയമാകുന്നു. രണ്ട് ഡോക്ടർമാരുടെ​യും, നേഴ്‌സുമാർ ഉൾപ്പെടെയുള്ളവരുടെയും നേതൃത്വത്തിലാണ് അവർ സൗജന്യ മെഡിക്കൽ ക്യാമ്പ് നടത്തുന്നത്.
കഴിഞ്ഞ മൂന്നു വർഷ​മായി ശബരിമല മണ്ഡല - മകരവിളക്ക്. തീർത്ഥാടന കാലത്ത് മുഴുവൻ സമയവും പെരുനാട്
പഞ്ചായത്തിലെ പുതുക്കടയിൽ ഇവർ സൗജന്യ മെഡിക്കൽ ക്യാമ്പ് നടത്തിയിരുന്നു. പെരുനാട് കക്കാട്ട് കോയിക്കൽ ക്ഷേത്രത്തിലെ ഉത്സവത്തിലും ക്യാമ്പ് ഉണ്ടായിരുന്നു. മാടമൺ കൺവെൻഷൻ ന​ഗറിൽ ശ്രീനാരായണ ധർമ്മസംഘം പ്രസിഡന്റ് വിശുദ്ധാനന്ദ സ്വാമിയാണ് ക്യാമ്പിന്റെ ഉദ്ഘാടനം നിർവഹി​ച്ചത്. പെരുനാട് സർവീസ് സഹകരണ ബാങ്ക് പ്രസി​ഡന്റ് പി. എസ് മോഹനൻ (പ്രസിഡന്റ്), പി.കെ ബിനു (സെക്രട്ടറി), ബ്ലോക്ക് പഞ്ചായത്ത് പ്രസിഡന്റ് ഗിരിജ മധു (രക്ഷാധി​കാരി) എം.എസ് രാജേന്ദ്രൻ (ട്രഷറർ) എന്നിവരാണ് ഭാരവാഹികൾ. കിഴക്കൻ മേഖലയിലെ 404 കിടപ്പു രോഗികളുടെ ശുശ്രൂക്ഷയും നടത്തുന്നുണ്ട്.