പത്തനംതിട്ട: മലയാള ചലച്ചിത്ര പ്രേക്ഷകസമിതിയുടെ പ്രഥമ ഷോർട്ട് ഫിലിം അവാർഡുകൾ പ്രഖ്യാപിച്ചു. 'ചില സാങ്കേതിക കാരണങ്ങളാൽ' ആണ് മികച്ച ഷോർട്ട് ഫിലിം. ബെന്നി ആശംസ ജൂറി ചെയർമാനും രാജീവ് ആലുങ്കൽ മുതുകുളം സോമനാഥ് എന്നിവർ അംഗങ്ങളുമായ സമിതിയാണ് വിജയികളെ നിശ്ചയിച്ചത്.

130 ഓളം ഷോർട്ട് ഫിലിമുകളിൽ നിന്ന് അവസാന റൗണ്ടിലെത്തിയ 13 ഫിലിമുകളിൽ നിന്നാണ് മികച്ചവ തെരഞ്ഞെടുത്തത്. ദി എലൈവ് രണ്ടാമത്തെ മികച്ച ഷോർട്ട് ഫിലിമായി. മികച്ച സംവിധായകൻ: ജിതിൻ രാജ് ചിത്രം : ടോക്കിംഗ് ടോയ്, മികച്ച നടൻ: ഷറഫ് കിനാലൂർ ചിത്രം: ഉപ്പളം. മികച്ച രണ്ടാമത്തെ നടൻ വി.ജെ പൗലോസ് (ജെ.പി ആരക്കുന്നം) ചിത്രം :ഒറ്റമരത്തണലിൽ. മികച്ച നടി: കാളി കളത്തിൽ, ചിത്രം: ഇല്ലിത്തള്ള. മികച്ച രണ്ടാമത്തെ നടി വസന്ത (നാരീമുഖങ്ങൾ). മികച്ച ബാലനടി കുമാരി വൈഗ (ദിയ ഒരു പുഞ്ചിരി,ടോക്കിംഗ് ടോയ്). മികച്ച ബാലനടൻ മാസ്റ്റർ അനന്തു (ഇല്ലിത്തള്ള). തിരക്കഥ: ആതിര മിനി രാജേന്ദ്രൻ (ഗട്ടർ). ഛായാഗ്രഹണം: ഷിഹാബ് ഓമല്ലൂർ (ഇല്ലിത്തള്ള). സാമൂഹ്യ പ്രസക്തിയുളള ചിത്രം: ഡെഡ്. നവാഗത പ്രതിഭ ജോണി ആശംസ (വിൻവിൻ).
സ്‌പെഷ്യൽ ജൂറി പുരസ്‌കാരം: ഷാൻസി (ദേവമാനസ). സ്‌പെഷ്യൽ ജൂറി പുരസ്‌കാരം ലഭിച്ച ഷോർട്ട് ഫിലിമുകൾ
പ്രധാനമന്ത്രിക്ക് ഒരു കത്ത്, കാഴ്ച്ച, മൂന്ന് പെരുക്കം.