പ്രമാടം: രക്തസാക്ഷികളായ കൃപേഷിന്റെയും ശരത് ലാലിന്റെയും ചരമവാർഷിക ദിനത്തിൽ പ്രമാടം കെ.എസ്‌.യു, യൂത്ത് കോൺഗ്രസ് മണ്ഡലം കമ്മിറ്റിയുടെ നേതൃത്വത്തിൽ അനുസ്മരണ സമ്മേളനം നടത്തി.അഡ്വ.അടൂർപ്രകാശ് എം.പി. ഉദ്ഘാടനം ചെയ്തു.കേരളത്തിലെ കൊലപാതക രാഷ്ട്രീയത്തിൽ നിന്നും സി.പി.എം പിൻമാറണമെന്ന് അദ്ദേഹം പറഞ്ഞു. കെ.എസ്‌.യു ജില്ലാ ജനറൽ സെക്രട്ടറി റോബിൻ മോൻസിയുടെ അദ്ധ്യക്ഷതയിൽ കൂടിയ സമ്മേളനത്തിൽ ഡി.സി.സി വൈസ് പ്രസിഡന്റ് റോബിൻ പീറ്റർ,കോൺഗ്രസ് ബ്ലോക്ക് കമ്മിറ്റി പ്രസിഡന്റ് സന്തോഷ് കുമാർ മണ്ഡലം കോൺഗ്രസ് കമ്മിറ്റി പ്രസിഡന്റ് കെ.വിശ്വംഭരൻ,മഹിളാകോൺഗ്രസ് നിയോജകമണ്ഡലം പ്രസിഡന്റ് ദീനാമ്മ റോയി,ജെൽവിൻ ജയിംസ്, ബിജു വട്ടക്കുളഞ്ഞി,അഖിൽ,രാജേഷ് എം,സിനിത്ത് വി.ലീലാ രാജൻ എന്നിവർ സംസാരിച്ചു.