പന്തളം: മണ്ണിന്റെ ആരോഗ്യം പരിശോധിച്ച് പോഷകങ്ങളുടെ ലഭ്യത ശാസ്ത്രീയമായി ഉറപ്പുവരുത്തിയുള്ള കൃഷി രീതികൾ ആവലംബിക്കുന്നതിനായി കർഷകർക്ക് വളപ്രയോഗ ബോധവത്കരണ സെമിനാർ ഇന്ന് പന്തളം ഫാർമേഴസ് ട്രെയിനിംഗ് സെന്ററിൽ നടത്തും. ഐ.സി.എ.ആർ കൃഷി വിജ്ഞാന കേന്ദ്രത്തിന്റെ നേതൃത്വത്തിൽ സംസ്ഥാന കാർഷിക വികസന കർഷക ക്ഷേമവകുപ്പ്, അഗ്രികൾച്ചറൽ ടെകനോളജി മാനേജ്‌മെന്റ് ഏജൻസി എന്നിവയുടെ സഹകരണത്തോടെയാണ് പരിപാടി . വിവിധ വളങ്ങളുടെ പ്രദർശനവും ഉണ്ടാകും.

ജില്ലാ പഞ്ചായത്ത് വൈസ് പ്രസിഡന്റ് ജോർജ് മാമ്മൻ കൊണ്ടൂർ ഉദ്ഘാടനം ചെയ്യും. ജില്ലാ പഞ്ചായത്ത് അംഗം ടി.മുരുകേഷ് അദ്ധ്യക്ഷത വഹിക്കും. കൃഷി വിജ്ഞാന കേന്ദ്രം മേധാവി ഡോ.സി.പി റോബർട്ട് മുഖ്യപ്രഭാഷണം നടത്തും.