ഇലവുംതിട്ട: ഏ. കെ ജി ചാരിറ്റബിൾ ഫൗണ്ടേഷൻ, കോഴഞ്ചേരി തണൽ പാലിയേറ്റിവ് കെയർ ഇലവുംതിട്ട സോണൽ, തിരുവല്ല ഐ മൈക്രോ സർജറി ആൻഡ് ലേസർ സെന്റർ എന്നിവയുടെ സംയുക്ത ആഭിമുഖ്യത്തിൽ നെടിയകാല മേനോൻ സ്മാരക ഗ്രന്ഥശാലയിൽ നേത്രപരിശോധന ക്യാമ്പ് നടത്തി. ബ്‌ളോക്ക് പഞ്ചായത്തംഗം പിങ്കി ശ്രീധരൻ ഉദ്ഘാടനം ചെയ്തു. മെഴുവേലി ഗ്രാമപഞ്ചായത്ത് പ്രസിഡന്റ് എൻ ഗോപാലകൃഷ്ണകുറുപ്പ് അദ്ധ്യക്ഷത വഹിച്ചു. ബിജിലി പി. ഈശോ, വി ആർ സജി കുമാർ, രാധാമണി, രജനി സുരേന്ദ്രൻ, ശ്രീജ ശ്രീകുമാർ, എന്നിവർ സംസാരിച്ചു. അജി ചന്ദ്രൻ, അനു ഫിലിപ്പ്, റീജ, ഗ്രീഷ്മ, അമ്പിളി ബിജു, അഖിൽ നാഥ് എന്നിവർ നേതൃത്വം നൽകി.