കൊടുമൺ: റോഡ്​ നിർമാണത്തിനായി മുന്നറിയിപ്പില്ലാതെ കലുങ്ക്​ പൊളിച്ചത്​ നാട്ടുകാരെ വലച്ചു. ആനയടി - കൂടൽ റോഡിന്റെ പണിയുടെ ഭാഗമായി ഒറ്റത്തേക്ക്​ കൊച്ചുകൽ ജംഗ്​ഷനിലെ കലുങ്ക്​ കഴിഞ്ഞ ദിവസം പൊളിച്ചതാണ് വിനയായത്​. മുന്നറിയിപ്പില്ലാ​െതയും പകരം സൗകര്യങ്ങൾ ഒരുക്കാ​തെയുമാണ്​ കലുങ്ക്​ പൊളിച്ച്​ മാറ്റിയതെന്ന്​ നാട്ടുകാർ ആരോപിച്ചു. ഇതിൽ പ്രതിഷേധിച്ച്​ ​ എസ്​.പി. സജൻ ചെയർമാനും പി.എസ്.​ ​േജാർജ്​ വൈസ്​ ​െചയർമാനും പി.സി. വിജയകുമാർ കൺവീനറുമായി ആക്​ഷൻ കൗൺസിൽ രൂപവത്​കരിച്ച്​ വകുപ്പ്​ മന്ത്രിക്ക്​​ പരാതി നൽകിയിരിക്കുകയാണ്​​. ഇപ്പോൾ കൂടൽ റോഡി​േലക്കുള്ള ഗതാഗതം പൂർണമായും നിലച്ചു. ബസ്​സർവീസ്​ ഉൾപ്പെടെ മുടങ്ങിയതോടെ ബുദ്ധിമുട്ടിലായിരിക്കുകയാണ്​ നാട്ടുകാർ. സ്​കൂൾ കുട്ടികളും ദുരിതമനുഭവിക്കയാണ്.

109. 13 കോടി ചെലവിൽ 35 കിലോമീറ്റർ

കൊല്ലം, ആലപ്പുഴ, പത്തനംതിട്ട ജില്ലകളെ ബന്ധിപ്പിക്കുന്ന ആനയടി – കൂടൽ റോഡി​െൻറ നിർമാണം കഴിഞ്ഞ നവംബറിലാണ്​ തുടങ്ങിയത്​. 109. 13 കോടി ചെലവിൽ 35 കിലോമീറ്റർ ദൂരത്തിലാണ്​ റോഡ് നിർമിക്കുന്നത്. ആനയടിയിൽ നാഷണൽ ഹൈവേയിൽ നിന്ന് തുടങ്ങി പുനലൂർ - മൂവാറ്റുപുഴ റോഡുമായി ചേരുന്നതാണ് പാത. ആനയടി മുതൽ കൂടൽ വരെ റോഡിന്​ 35 കിലോമീറ്റർ നീളവും 10 മീറ്റർ വീതിയും ഉണ്ടാകും. ഒരു ഭാഗത്ത് 25 കിലോമീറ്റർ നീളത്തിൽ ഓടയും മറുവശത്ത് നടപ്പാതയുമാണ്. 80 കലുങ്കുകളും ചെറിയപാലങ്ങളും നിർമിക്കുന്നുണ്ട്​. ആനയടിയിൽ നാഷണൽ ഹൈവെയിൽ നിന്ന‌് തുടങ്ങുന്ന റോഡ് എം.സി റോഡ്, കെ.പി റോഡ്, അടൂർ - തട്ട – പത്തനംതിട്ട റോഡ‌്, ഏഴംകുളം – കൈപ്പട്ടൂർ റോഡ് എന്നിവയുമായി ബന്ധിപ്പിച്ചാണ് കൂടലിൽ പുനലൂർ – മുവാറ്റുപുഴ സംസ്ഥാന പാതയിൽ എത്തിച്ചേരുന്നത്.

പൊളിച്ച കലുങ്കുകൾ ഏറെ

നിർമാണത്തി​െൻറ ഭാഗമായി പല സ്​ഥലത്തും കലുങ്കുകൾ പൊളിച്ചിട്ട്​ മൂന്ന്​ മാസമായി.​ ചന്ദനപ്പള്ളി - കൂടൽ റോഡിൽ ചന്ദനപ്പള്ളി കത്തോലിക്കപള്ളി കുരിശടി, വലിയപള്ളി, അങ്ങാടിക്കൽ വടക്ക്​ എന്നിവിടങ്ങളിൽ കലുങ്കു പണി പൂർത്തിയാകാതെ കിടക്കുന്നു. ചന്ദനപ്പളളി പാലവും ഉടനെ പൊളിക്കുന്ന​േതാടെ യാത്രാദുരിതം വർദ്ധിക്കും. പണികൾ മുടങ്ങിക്കിടക്കുകയാണിപ്പോൾ.