പത്തനംതിട്ട : സംസ്ഥാന വിനോദസഞ്ചാര വകുപ്പും ജില്ലാ ടൂറിസം പ്രമോഷൻ കൗൺസിലും സംയുക്തമായി കേരളത്തിന്റെ തനത് നാടൻക്ലാസിക്കൽ ദൃശ്യകലാരൂപങ്ങൾ ഉത്സവം 2020 എന്ന പേരിൽ നാളെ മുതൽ 28 വരെ അടൂർ പഴകുളം ആലുംമൂട് പഞ്ചായത്ത് സ്‌റ്റേഡിയം,കടമ്മനിട്ട പടയണി ഗ്രാമം എന്നിവിടങ്ങളിൽ അവതരിപ്പിക്കും.അടൂരിൽ നാളെ വൈകിട്ട് 6ന് ചിറ്റയം ഗോപകുമാർ എം.എൽ.എ ഉത്സവം 2020 ഉദ്ഘാടനം ചെയ്യും. പള്ളിക്കൽ പഞ്ചായത്ത് പ്രസിഡന്റ് പ്രസന്നകുമാരി അദ്ധ്യക്ഷത വഹിക്കും.ചടങ്ങിൽ ജില്ലാ കളക്ടർ പി.ബി നൂഹ് പങ്കെടുക്കും.കടമ്മനിട്ടയിൽ വൈകിട്ട് 6ന് വീണാ ജോർജ് എം.എൽ.എ ഉത്സവം 2020 ഉദ്ഘാടനം ചെയ്യും.നാരങ്ങാനം പഞ്ചായത്ത് പ്രസിഡന്റ് കടമ്മനിട്ട കരുണാകരൻ അദ്ധ്യക്ഷത വഹിക്കും.ചടങ്ങിൽ പടയണി ആചാര്യൻ കടമ്മനിട്ട വാസുദേവൻപിള്ള മുഖ്യപ്രഭാഷണം നടത്തും.26കലാരൂപങ്ങളാണ് രണ്ടിടങ്ങളിലായി അരങ്ങേറുന്നത്.എല്ലാ ദിവസവും വൈകിട്ട് 6മുതൽ പരിപാടികൾ ആരംഭിക്കും.22ന് അടൂരിൽ കോൽകളി, ശീതങ്കൻ തുള്ളൽ,കടമ്മനിട്ടയിൽ ദഫ്‌മുട്ട്,തോറ്റംപാട്ട് എന്നിവ അവതരിപ്പിക്കും.23ന് അടൂരിൽ കഥാപ്രസംഗം,തോറ്റംപാട്ട്,കടമ്മനിട്ടയിൽ അയ്യപ്പൻ തിയ്യാട്ടും നടക്കും.2 4ന് അടൂരിൽ നാടൻപാട്ടും,കടമ്മനിട്ടയിൽ തിറയും പൂതനം,കാക്കാരിശി നാടകവും അരങ്ങേറും.25ന് അടൂരിൽ നിണബലി,കളമെഴുത്ത് പാട്ട്,കടമ്മനിട്ടയിൽ വിൽമേള,കന്യാർകളി.26ന് ശാസ്താംപാട്ടും അയ്യപ്പൻപാട്ടും, പൂരക്കളി,കടമ്മനിട്ടയിൽ ബാംബൂ മ്യൂസിക്കും,കളരിപ്പയറ്റ് കോൽകളി. 27ന് കാക്കാരിശി നാടകം,തെയ്യം,കടമ്മനിട്ടയിൽ നിണബലി,കഥാപ്രസംഗം.28ന് അടൂരിൽ തിരുവനന്തപുരം സോപാന സംഗീതം,ഓതറ ദേവീ വിലാസം പടയണി,കടമ്മനിട്ടയിൽ തിടമ്പുനൃത്തം,കുമ്മാട്ടിക്കളി തുമ്പിതുള്ളൽ എന്നിവയും അരങ്ങേറും.