തണ്ണിത്തോട്: എസ്.എൻ.ഡി.പി യോഗം 4024 തേക്കുതോട് സെൻട്രൽ ശാഖയിലെ 34ാ മത് പ്രതിഷ്ഠാ വാർഷികം നാളെ വൈദികാചാര്യൻ ചിങ്ങവനം ഷാജി ശാന്തിയുടെ മുഖ്യകാർമ്മികത്വത്തിൽ നടക്കും. ഇന്ന് രാവിലെ 8ന് ശാഖാ പ്രസിഡന്റ് എൻ.ജയപ്രകാശ് പതാകയുയർത്തും. നാളെ രാവിലെ 4.30 ന് നടതുറക്കൽ, ഗരുപൂജ, 5ന് മഹാഗണപതിഹോമം, 7 ന് നവകം, പഞ്ചഗവ്യം, 8ന് സമൂഹശാന്തിഹവനം, 9ന് സർവൈശ്വര്യപൂജ, 9 :30ന് കലശാഭിഷേകം, ചതയപൂജ, ഉപവാസപ്രാർത്ഥന

10ന് പൊതുസമ്മേളനം കെ.യു. ജനീഷ് കുമാർ എം. എൽ.എ ഉദ്ഘാടനം ചെയ്യും. ശാഖാ പ്രസിഡന്റ് എൻ.ജയപ്രകാശ് അദ്ധ്യക്ഷത വഹിക്കും. യൂണിയൻ പ്രസിഡന്റ് കെ.പത്മകുമാർ മുഖ്യ പ്രഭാഷണം നടത്തും. യോഗം അസിസ്റ്റന്റ് സെക്രട്ടറി റ്റി.പി.സുന്ദരേശൻ പ്രതിഷ്ഠാദിന സന്ദേശം നൽകും.വിവിധ രംഗങ്ങളിൽ മികവ് പുലർത്തിയ ശാഖാഗംങ്ങളെ യൂണിയൻ വൈസ് പ്രസിഡന്റ് സുനിൽ മംഗലത്ത് ആദരിക്കും. യോഗം ഡയറക്ടർ ബോർഡംഗം സി.എൻ.വിക്രമൻ, യൂണിയൻ സെക്രട്ടറി ഡി. അനിൽകുമാർ, തണ്ണിത്തോട് ഗ്രാമ പഞ്ചായത്ത് പ്രസിഡന്റ് എം.വി. അമ്പിളി, പഞ്ചായത്തംഗങ്ങളായ ജോയി ചിറ്റരുവിക്കൽ, അജിത സോമൻ, എം.എം. മഞ്ജു, യുണിയൻ കൗൺസിലർമാരായ കെ.എസ്.സുരേശൻ, എസ്.സജിനാഥ്, വനിതാസംഘം യൂണിയൻ പ്രസിഡന്റ് സുശീല ശശി, സെക്രട്ടറി സരള പുരുഷോത്തമൻ , വനിതാസംഘം യൂണിയൻ എക്‌സിക്യൂട്ടിവംഗം അജിത രതീപ്, വനിതാസംഘം യൂണിറ്റ് പ്രസിഡന്റ് സുബിത സുരേഷ്, ശാഖാ സെക്രട്ടറി കെ. ആർ. രമണൻ, ശാഖാ വൈസ് പ്രസിഡന്റ് കെ. എൻ. രാജൻ തുടങ്ങിയവർ സംസാരിക്കും. 12:30 ന് അന്നദാനം, 2 ന് കോട്ടയം ഗുരുനാരായണ സേവാകേന്ദ്രത്തിലെ സിനോഷ് പരിയാരത്തിന്റെ പ്രഭാഷണം 5:30ന് സമൂഹപ്രാർത്ഥന, 6:30ന് ദീപാരാധന.