കടമ്പനാട്: കൊട്ടാരക്കര കില ഇ.ടി.സി നേതൃത്വത്തിൽ കടമ്പനാട് ഗ്രാമപഞ്ചായത്തിലെ
ഹരിത കർമസേനയ്ക്ക് ശുചിത്വം, മാലിന്യ സംസ്‌കരണം എന്നീ വിഷയത്തിൽ രണ്ടു ദിവസത്തെ പരിശീലനം നൽകി. ഫീൽഡ് പരിശീലനത്തിന്റെ ഭാഗമായി സേന അംഗങ്ങൾ പുനലൂർ നഗരസഭയുടെ പ്ലാച്ചേരിയിലുള്ള മാലിന്യ സംസ്‌കരണ കേന്ദ്രം സന്ദർശിച്ചു. അജൈവ മാലിന്യങ്ങളുടെ ശാസ്ത്രീയ സംസ്‌കരണ രീതികൾ പരിശീലനാർത്ഥികൾക്ക് വിശദീകരിച്ചു. വിവിധ തരത്തിലുള്ള പ്ലാസ്റ്റിക് കവറുകൾ, കുപ്പികൾ, ചില്ല് കുപ്പികൾ, മരുന്നു കുപ്പികൾ എന്നിവയുടെ തരംതിരിക്കലും കച്ചവടക്കാർക്ക് കൈമാറുന്ന രീതിയും സംഘം മനസിലാക്കി. പ്ലാന്റിലുള്ള പ്ലാസ്റ്റിക് ഷ്രെഡിംഗ് യൂണിറ്റിന്റെ പ്രവർത്തനം നേരിൽ കണ്ടു. ഹരിത കർമ്മസേനയുടെ വാർഡ്തല പ്രവർത്തനവും വിശദീകരിച്ചു. ഇവന്റ് മാനേജ്‌മെന്റ് ഗ്രൂപ്പ് എന്ന നിലയിൽ പ്രവർത്തിക്കാനുള്ള പ്രായോഗിക പരിശീലനവും നൽകി.
ഇ.ടി.സി പ്രിൻസിപ്പൽ ജി.കൃഷ്ണകുമാർ പരിശീലന പരിപാടി ഉദ്ഘാടനം ചെയ്തു. ശുചിത്വമിഷർ കോഓർഡിനേറ്റർ സി.രാധാകൃഷ്ണൻ , ഇ.ടി.സി ഫാക്കൽറ്റി അംഗങ്ങളായ ആർ.എസ്. മനോജ്, ബി.ഷബിന, ജനറൽ എക്സ്റ്റൻഷൻ ഓഫീസർ സി.സജീവ്, ശുചിത്വമിഷൻ റിസോഴ്‌സ് പേഴ്‌സൺ ഐ.ജയലക്ഷ്മിപിള്ള എന്നിവർ ക്ലാസെടുത്തു.