തിരുവല്ല : വി​ല്​പ​ന​യ്​ക്കാ​യി കാറിൽ ക​ട​ത്തി​ക്കൊ​ണ്ടു​വ​ന്ന ഒ​രുകിലോ ക​ഞ്ചാ​വു​മാ​യി തി​രു​വല്ല ക​വിയൂർ വ​ട​ശേ​രിയിൽ വീട്ടിൽ മ​ജേ​ഷ് ഏ​ബ്രഹാം ജോൺ (39) നെ ജില്ലാ പൊ​ലീ​സ് മേ​ധാ​വി​യു​ടെ നേ​തൃ​ത്വ​ത്തി​ലു​ള്ള ഡാൻ​സാ​ഫ് സ്​ക്വാ​ഡ് പി​ടി​കൂടി.
സ്‌​പെഷ്യൽ ബ്രാ​ഞ്ച് ഡി​വൈ.എ​സ്.പി ആർ. ജോ​സി​ന്റെ നേ​തൃ​ത്വത്തിൽ ദി​വ​സ​ങ്ങ​ളാ​യി ഇയാളെ നി​രീ​ക്ഷി​ച്ച് വരികയായിരുന്നു.
ത​മി​ഴ്​നാ​ട്ടി​ലെ ക​മ്പ​ത്തു​നിന്ന് കി​ലോ​യ്​ക്ക് 10,000 രൂ​പ നി​രക്കിൽ വൻ​തോതിൽ ക​ഞ്ചാ​വ് ക​ട​ത്തി​ക്കൊ​ണ്ട് വ​ന്ന് ചെ​റു​പാ​യ്​ക്ക​റ്റു​ക​ളാ​ക്കി 500 രൂ​പ, 300 രൂ​പ നി​രക്കിൽ സ്​കൂൾ, കോ​ളേ​ജ് പ​രി​സ​ര​ങ്ങ​ളിലും ബാ​റുകൾ, ഉ​ത്സ​വ സ്ഥല​ങ്ങൾ എന്നിവിടങ്ങളിലും വിൽപന നടത്തുകയായിരുന്നു. കഴിഞ്ഞ ദിവസം രാത്രി തി​രു​വല്ല​യു​ടെ സമീ​പ പ്ര​ദേ​ശ​ങ്ങ​ളി​ലു​ള്ള ക്ഷേ​ത്ര​പരിസരത്ത് വി​ല്​പ​ന ക​ഴി​ഞ്ഞ ശേ​ഷം കാറിൽ തി​രി​ച്ചു​വ​രു​ന്ന വ​ഴി​യാ​ണ് പിടിയിലായത്.
തി​രു​വല്ല സി​ഐ പി.ആർ. സ​ന്തോഷ്, ഡാൻ​സാ​ഫ് സ്​ക്വാ​ഡ് എസ്.ഐ മാരാ​യ ആർ.എസ്. രഞ്ചു, രാ​ധാ​കൃ​ഷ്​ണൻ എ​സ്., എ​എ​സ്‌​ഐ​മാരാ​യ വിൽസൺ, അ​ജി​കു​മാ​ർ, ഹ​രി​കു​മാ​ർ, സിപി​ഒ മാരാ​യ സു​ജിത്ത്, സ​ന്തോ​ഷ്​കു​മാർ പി.ജി., ശ്രീ​രാ​ജ് എ​ന്നി​വ​രു​ടെ നേ​തൃ​ത്വ​ത്തിലാ​യി​രു​ന്നു അ​റ​സ്റ്റ്. പ്ര​തി​യെ റി​മാന്റ് ചെ​യ്​തു.