പന്തളം: രൂക്ഷമായ കുടിവെള്ള ക്ഷാമത്തിനു പരിഹാരമാകേണ്ട കനാൽ ജലം തുറന്നു വിട്ടത് നാട്ടുകാർക്ക് ദുരിതമായി. പൊട്ടിപ്പൊളിഞ്ഞും മാലിന്യങ്ങൾ നിറഞ്ഞും കിടന്ന കനാൽ മെയിന്റൻസ് നടത്താതെയും മുടിയൂർക്കോണം ഭാഗത്തെ ഉപകനാലിലൂടെ വെള്ളമൊഴുക്കിയതാണ് കക്കൂസ് മാലിന്യങ്ങൾ ഉൾപ്പെടെ നിറഞ്ഞ് മലിനജലം വീടുകളിലെത്താൻ കാ​രണം. ഇതിനാൽ കെ.ഐ.പി കനാലുകളും ഉപകനാലുകളും മെ​യിന്റൻ സ് നടത്തിയും ശുചീകരിച്ചും കനാൽ തുറന്ന് വിട്ട് കുടിവെള്ളക്ഷാമത്തിന് പരിഹാരമുണ്ടാക്കണമെന്ന് പന്തളം നഗരസഭാ കൗൺസിലർമാരാ​യ കെ.ആർ.വിജയകുമാർ, എ.നൗഷാദ് റാവുത്തർ,അ​ഡ്വ.കെ.എസ്.ശിവകു​മാർ, ആനി ജോൺ,പന്തളം മഹേഷ്,സുനിത വേണു, മഞ്ജു വിശ്വനാഥ്, ജി.അനിൽകുമാർ, എം ജി രമണൻ എന്നിവർ ആവശ്യപ്പെട്ടു,