ചെങ്ങന്നൂർ:പുത്തൻകാവ് സെന്റ് മേരീസ് കത്തീഡ്രലിൽ വിശുദ്ധ അന്ത്രയോസ് ബാവായുടെ 328​ാമത് ശ്രാദ്ധപ്പെരുന്നാൾ ഇന്ന് വൈകിട്ട് സെന്റ് ആൻഡ്രൂസ് കുരിശുപള്ളിയിലെ കൺവെൻഷനോടെ തുടങ്ങും.ഫാ.ഷാനു ഏബ്രഹാം,ഫാ.കുര്യൻ ഡാനിയേൽ,ഫാ.വർഗീസ് ടി വർഗീസ് എന്നിവർ വിവിധ യോഗങ്ങളിൽ സംസാരിക്കും. വെള്ളിയാഴ്ച വൈകിട്ട് 5.30ന് കത്തീഡ്രലിൽ നിന്ന് കുരിശുപള്ളിയിലേക്ക് റാസ. ശനിയാഴ്ച കുരിശുപള്ളിയിൽ കുര്യാക്കോസ് മാർ ക്ലിമ്മീസ് കുർബാന അർപ്പിക്കും. പ്രധാന പെരുന്നാൾ ഞായറാഴ്ച ആരംഭിക്കും.രാവിലെ ഡോ.സഖറിയാസ് മാർ അപ്രേം കുർബാന അർപ്പിക്കും.വൈകിട്ട് 7ന് 225​ാമത് പുത്തൻകാവ് കൺവെൻഷൻ ഡോ.സഖറിയാസ് മാർ അപ്രേം ഉദ്ഘാടനം ചെയ്യും.ഫാ.ജോൺ ടി.വർഗീസ്, ഫാ.ഡോ.വർഗീസ് വർഗീസ്,ഫാ.മാത്യു ഏബ്രഹാം കാരയ്ക്കൽ,ഫാ.സഖറിയ നൈനാൻ എന്നിവർ വിവിധ യോഗങ്ങളിൽ സംസാരിക്കും.വെള്ളിയാഴ്ച രാവിലെ 9.30ന് തൈബുസോ ധ്യാനത്തിന് ഫാ.ടിജു തോമസ് നേതൃത്വം നൽകും.വൈകിട്ട് 5.30ന് പിരളശേരി സിംഹാസന പള്ളിയിൽ നിന്ന് റാസ ആരംഭിക്കും.ഏഴിന് ഡോ.മാത്യു മാർ തിമോത്തിയോസ് കുർബാന അർപ്പിക്കും.ആറാമത് മാർത്തോമ്മ അവാർഡ് പ്രഖ്യാപനം നടക്കും.11ന് സമൂഹ സദ്യ.വൈകിട്ട് 5.30ന് അങ്ങാടിക്കൽ എഴിക്കകത്ത് ഭവനാങ്കണത്തിൽ നിന്ന് റാസ ആരംഭിക്കും.എട്ടിന് ഡോ.യൂഹാനോൻ മാർ ദീയസ്‌കോറോസ് കുർബാന അർപ്പിക്കും.വാർത്താ സമ്മേളനത്തിൽ വികാരി ഫാ.വിമൽ മാമ്മൻ ചെറിയാൻ,സഹവികാരി ബിനു ജോയി,ട്രസ്റ്റി പി.കെ തോമസ്, സെക്രട്ടറി വർഗീസ് തോമസ്,സുനിൽ പി.ഉമ്മൻ, ജോസഫ് ജോർജ്ജ് എന്നിവർ പങ്കെടുത്തു.