പത്തനംതിട്ട: കിഴക്കുപുറം എസ്.എൻ.ഡി.പി യോഗം ആർട്സ് ആൻഡ് സയൻസ് കോളേജിന്റെ പുതിയ കെട്ടിട സമുച്ചയ ഉദ്ഘാടനം ഇന്ന് രാവിലെ 11ന് യോഗം ജനറൽ സെക്രട്ടറി വെള്ളാപ്പള്ളി നടേശൻ നിർവഹിക്കും. എസ്.എൻ ട്രസ്റ്റ് ബോർഡ് മെമ്പർ പ്രീതി നടേശൻ ഭദ്രദീപം പ്രകാശനം നിർവ്വഹിക്കും. കോളേജ് മാനേജ്മെന്റ് പ്രതിനിധിയും പത്തനംതിട്ട യൂണിയൻ സെക്രട്ടറിയുമായ ഡി. അനിൽ കുമാർ അദ്ധ്യക്ഷത വഹിക്കും. യൂണിയൻ പ്രസിഡന്റ് കെ.പത്മകുമാർ മുഖ്യപ്രഭാഷണം നടത്തും.കെ.യു.ജനീഷ് കുമാർ എം.എൽ.എ വിശിഷ്ടാതിഥിയായിരിക്കും. യോഗം എഡ്യൂക്കേഷൻ സെക്രട്ടറി സി.പി. സുദർശനൻ മാഗസിൻ പ്രകാശനം ചെയ്യും.

കോളേജ് പ്രിൻസിപ്പൽ പ്രൊഫ. എം.എൻ. സലിം, പത്തനംതിട്ട യൂണിയൻ വൈസ് പ്രസിഡന്റ് സുനിൽ മംഗലത്ത്, യോഗം അസിസ്റ്റന്റ് സെക്രട്ടറി ടി.പി.സുന്ദരേശൻ, എം.ജി. യൂണിവേഴ്സിറ്റി സിൻഡിക്കേറ്റ് മെമ്പർ പ്രൊഫ.വി.എസ്.പ്രവീൺ, കോന്നി എസ്.എ.എസ് എസ്.എൻ.ഡി.പി യോഗം കോളേജ് പ്രിൻസിപ്പൽ ഡോ.ബിജു പുഷ്പൻ, കോന്നി ഗ്രാമപഞ്ചായത്ത് പ്രസിഡന്റ് എം.രജനി, പി.ടി.എ വൈസ് പ്രസിഡന്റ് പി.ഡി.സുരേഷ് കുമാർ, കോളേജ് യൂണിയൻ ചെയർമാൻ ആദർശ് രാജ് എന്നിവർ പ്രസംഗിക്കും.

ഉദ്ഘാടനത്തിന് എത്തുന്ന യോഗം ജനറൽ സെക്രട്ടറിയെ കുമ്പഴ ശ്രീനാരായണ സ്തൂപികയിൽ നിന്ന് കോളേജ് കുട്ടികൾ വാഹനങ്ങളുടെ അകമ്പടിയോടെ സ്വീകരിക്കും.