കോന്നി: കെ.എസ്.ആർ.ടി.സി ഡിപ്പോയുമായി ബന്ധപ്പെട്ട് ഉയരുന്ന ആക്ഷേപങ്ങളിൽ വിജിലൻസ് അന്വേഷണം വേണമെന്ന് ആവശ്യപ്പെട്ട് സി.പി.എം നേതൃത്വത്തിൽ നാളെ ഗ്രാമപഞ്ചായത്ത് ഓഫീസിലേക്ക് മാർച്ച് നടത്തും. അടൂർ പ്രകാശ് മന്ത്രിയായിരുന്ന കാലത്താണ് കെ.എസ്.ആർ. ടി.സി കോന്നി ഡിപ്പോ എന്ന ആശയം ഉയർന്നു വരുന്നത്. ഇതിന്റെ ഭാഗമായി സ്ഥലം ഏ​റ്റെടുക്കാൻ അന്നത്തെ യു.ഡി.എഫ് നേതൃത്വത്തിലുള്ള കോന്നി ഗ്രാമപഞ്ചായത് ഭരണസമിതിയെ ചുമതലപ്പെടുത്തി. ഇതേത്തുടർന്ന് നാരായണപുരം മാർക്ക​റ്റിന് സമീപത്തായി 3 ഏക്കർ 41.35 സെന്റ് സ്ഥലം കണ്ടെത്തി. എൽ.ഡി. എഫ് പഞ്ചായത്ത് ഭരിച്ചിരുന്ന കാലത്ത് സ്​റ്റേഡിയത്തിനായി വാങ്ങിയ രണ്ട് ഏക്കർ സ്ഥലവും സ്വകാര്യ വ്യക്തികളുടെ സ്ഥലവും ചേർന്നതായിരുന്നു മൂന്നര ഏക്കറോളം വരുന്ന പദ്ധതി പ്രദേശം. എന്നാൽ സ്​റ്റേഡിയത്തിനായി മുൻ ഭരണ സമതി വാങ്ങിയ വസ്തുവൊഴികെ ബാക്കിയുള്ള സ്വകാര്യ വ്യക്തികളുടെ സ്ഥലം ഏ​റ്റെടുക്കൽ പ്രഹസനമായി മാറി. വൻ കഴിമതിയാണ് ഡിപ്പോ ഇടപാടിൽ നടന്നിരിക്കുന്നത്. യോഗത്തിൽ ഏരിയാ ആക്ടിംഗ് സെക്രട്ടറി ശ്യാം ലാൽ, എം എസ് ഗോപിനാഥൻ, ജിജോ മോഡി, ​ടിണ. രാജേഷ് കുമാർ, തുളസീ മണിയമ്മ, കെ.ജി. ഉദയകുമാർ എന്നിവർ പ്രസംഗിച്ചു.