പത്തനംതിട്ട : കൊറോണാ രോഗ നിരീക്ഷണത്തിന്റെ ഭാഗമായി ഇറ്റലി, ഇറാൻ, റിപ്പബ്ലിക് ഒഫ് കൊറിയ എന്നീ രാജ്യങ്ങളിൽ നിന്നു വരുന്നവരെ കൂടി ഹോം ഐസൊലേഷനിൽ ഉൾപ്പെടുത്തുമെന്ന് ജില്ലാ മെഡിക്കൽ ഓഫീസർ(ആരോഗ്യം) ഡോ.എ.എൽ. ഷീജ അറിയിച്ചു. ഈ രാജ്യങ്ങളിൽ നിന്നെത്തിയിട്ടുള്ള ആരെങ്കിലും ഉണ്ടെങ്കിൽ ജില്ലാ മെഡിക്കൽ ഓഫീസിലെ കൺട്രോൾ റൂമിലോ, അടുത്തുള്ള ആരോഗ്യ കേന്ദ്രത്തിലോ അറിയിക്കണം. ചൈന, ഹോങ്കോങ്ങ്, തായ്‌ലൻഡ്, സിംഗപ്പൂർ, ജപ്പാൻ, ദക്ഷിണ കൊറിയ, വിയറ്റ് നാം, നേപ്പാൾ, ഇൻഡോനേഷ്യ, മലേഷ്യ എന്നീ രാജ്യങ്ങളിൽ നിന്നുള്ള യാത്രക്കാരെയാണ് ഇതുവരെ നിരീക്ഷിച്ചു കൊണ്ടിരുന്നത്.