ചെങ്ങറ: എസ്.എൻ.ഡി.പിയോഗം 3366-ാം ചെങ്ങറ ശാഖാ ഗുരുദേവക്ഷേത്രത്തിലെ 9-ാമത് പ്രതിഷ്ഠാ വാർഷികം ഇന്ന് മുതൽ 4 വരെ നടക്കും. ചടങ്ങുകൾക്ക് വൈദികാചാര്യൻ രതീഷ് ശാന്തി എരമല്ലൂർ കാർമ്മികത്വം വഹിക്കും. ഇന്ന് രാവിലെ 5ന് പള്ളിയുണർത്തൽ, 6 ന് ഗുരുപുഷ്പാജ്ഞലി, 6.15 ന് സമൂഹപ്രാർത്ഥന, 8.30ന് ശാഖ പ്രസിഡന്റ് എം.എ.സോമരാജൻ പതാകയുയർത്തും. 2 ന് കുറിച്ചി അദ്വൈത വിദ്യാശ്രമം മഠാധിപതി സ്വാമി ധർമ്മചൈതന്യ പ്രതിഷ്ഠാ വാർഷികവും നവീകരിച്ച ഹാളിന്റെ ഉദ്ഘാടനവും നിർവഹിക്കും. യൂണിയൻ പ്രസിഡന്റ് കെ.പത്മകുമാർ അദ്ധ്യക്ഷത വഹിക്കും. യോഗം അസിസ്റ്റന്റ് സെക്രട്ടറി ടി.പി.സുന്ദരേശൻ മുഖ്യപ്രഭാഷണം നടത്തും. യൂണിയൻ സെക്രട്ടറി ഡി.അനിൽകുമാർ പ്രതിഷ്ഠാദിന സന്ദേശം നൽകും. യൂണിയൻ വൈസ് പ്രസിഡന്റ് സുനിൽ മംഗലത്ത് 2019 ലെ ആദ്യഫല പ്രോത്സാഹന സമ്മാനങ്ങൾ വിതരണം ചെയ്യും. യോഗം ഇൻസ്‌പെക്ടിംഗ് ഓഫീസർ സി.എൻ.വിക്രമൻ, കോന്നി ഗ്രാമപഞ്ചായത്തംഗം എൻ.എൻ. രാജപ്പൻ, യൂണിയൻ കൗൺസിലർമാരായ എസ്.സജിനാഥ്, ജി.സോമനാഥൻ, മൈക്രോ ഫിനാൻസ് കോ ഓർഡിനേറ്റർ കെ.ആർ.സലീലനാഥ്, എം.എസ്.ശിവാനന്ദൻ, കെ.എസ്.ജയപ്രകാശ്, ഓമന ദിവാകരൻ, എം.എ.സോമരാജൻ, എസ്.എസ്.ദിവ്യ എന്നിവർ സംസാരിക്കും. 4ന് ഘോഷയാത്ര ചെങ്ങറ ശിവപാർവ്വതിക്ഷേത്രത്തിൽ നിന്ന് ആരംഭിച്ച് കുരിശുംമൂട് ജംഗ്ഷൻ, നാടുകാണി , കിഴക്കുപുറം കോളേജ് ജംഗ്ഷൻ, അട്ടച്ചാക്കൽ ഈസ്റ്റ് ജംഗ്ഷൻ വഴി ഗുരുക്ഷേത്രത്തിലെത്തി ചേരും. 2ന് ഉച്ചയ്ക്ക് 2ന് വനിതാ സമ്മേളനം വനിതാസംഘം യൂണിയൻ പ്രസിഡന്റ് സുശീല ശശി ഉദ്ഘാടനം ചെയ്യും. ഓമന ദിവാകരൻ അദ്ധ്യക്ഷത വഹിക്കും. കോട്ടയം ഗുരുനാരായണ സേവാനികേതനിലെ നിർമ്മല മോഹൻ പ്രഭാഷണം നടത്തും. വനിതസംഘം യൂണിയൻ സെക്രട്ടറി സരള പുരുഷോത്തമൻ, ശാഖാ പ്രസിഡന്റ് എം.എ.സോമരാജൻ, സെക്രട്ടറി എസ്.എസ്. ദിവ്യ, സിനി കമൽ, ആനന്ദവല്ലി മോഹൻദാസ്, പൊന്നമ്മ പീതാംബരൻ, ഗീതാമോഹൻ, ശോഭന സുധാകരൻ, വിനി അനിൽ തുടങ്ങിയവർ സംസാരിക്കും. 6.15 ന് സമൂഹ പ്രാർത്ഥന, 6.45 ന് ദീപാരാധന. 3ന് വൈകിട്ട് 6.45 ന് കുമാരിസംഘത്തിന്റെ ഗുരുദേവ കൃതികളുടെ ആലാപനം, 7ന് മുൻ യൂണിയൻ പ്രസിഡന്റും ഗുരുധർമ്മ പ്രചാരണ സഭാ കേന്ദ്രസമിതിയംഗവുമായ അഡ്വ.കെ.എൻ.സത്യാനന്ദ പ്പണിക്കരുടെ പ്രഭാഷണം. 4 ന് രാവിലെ 6ന് മഹാശാന്തിഹവനം, കലശപൂജ, സർവ്വൈശ്വര്യപൂജ, കലശാഭിഷേകം, 11ന് സമൂഹപ്രാർത്ഥന, 6.45ന് ദീപാരാധന, 7.30 ന് സജിത്ത് സോമരാജിന്റെ ഗാനമേള.