പുനലൂർ: എസ്.എൻ.ഡി.പി യോഗം 3449-ാം നമ്പർ ഇടമൺ - 34 ആർ. ശങ്കർ മെമ്മോറിയൽ ശാഖയുടെയും പോഷക സംഘടനകളുടെയും നേതൃത്വത്തിൽ കുടുംബ യോഗം സംഘടിപ്പിച്ചു. എസ്.എൻ ട്രസ്റ്റ് പുനലൂർ ആർ.ഡി.സി ചെയർമാനും പുനലൂർ യൂണിയൻ പ്രസിഡന്റുമായ ടി.കെ. സുന്ദരേശൻ യോഗം ഉദ്ഘാടനം ചെയ്തു. ശാഖാ പ്രസിഡന്റ് ആർ. രാജേഷ് അദ്ധ്യക്ഷത വഹിച്ചു. യോഗം അസി. സെക്രട്ടറി വനജ വിദ്യാധരൻ, യൂണിയൻ സെക്രട്ടറി ആർ. ഹരിദാസ് എന്നിവർ മുഖ്യപ്രഭാഷണം നടത്തി. യൂണിയൻ വൈസ് പ്രസിഡന്റ് എ.ജെ. പ്രതീപ്, വനിതാസംഘം യൂണിയൻ സെക്രട്ടറി ഓമന പുഷ്പാംഗദൻ, ശാഖാ വൈസ് പ്രസിഡന്റ് എസ്. രാജൻ, സെക്രട്ടറി എസ്. സജി, യൂണിയൻ പ്രതിനിധി അനീഷ്, വനിതാ സംഘം ശാഖാ പ്രസിഡന്റ് ഓമന രാജൻ, സെക്രട്ടറി നിമിഷ , പ്രാർത്ഥനാ സമിതി ശാഖാ പ്രസിഡന്റ് വാസന്തി സുഗതൻ, സെക്രട്ടറി സിന്ധു പ്രശാന്തൻ തുടങ്ങിയവർ സംസാരിച്ചു.