 പ്രാരംഭ പ്രവർത്തനങ്ങൾ തുടങ്ങുന്നതിന് അനുമതി

അ​ഞ്ചാ​ലും​മൂ​ട്: യാ​ത്രാ​ദു​രി​ത​ത്തി​ന്റെ അ​തിർ​വ​ര​മ്പു​കൾ ഭേ​ദി​ക്കാൻ നാട്ടുകാർ സ്വപ്നം കണ്ട തൃ​ക്ക​രു​വ പ​ഞ്ചാ​യ​ത്തി​ലെ പ്രാ​ക്കു​ളം സാ​മ്പ്രാ​ണി​ക്കോ​ടി ​കു​രീ​പ്പു​ഴ പാ​ലത്തിന് ബഡ്​ജ​റ്റിൽ പ​ച്ച​ക്കൊ​ടി. പ​ണി​കൾ ആ​രം​ഭി​ക്കാൻ ക​ട​മ്പ​കൾ ഇ​നി​യും ക​ട​ക്ക​ണ​മെ​ങ്കി​ലും ത​ങ്ങ​ളു​ടെ സ്വ​പ്‌​ന സാ​ക്ഷാ​ത്​കാ​ര​ത്തി​ന് അനുമതി ല​ഭി​ച്ച​തിൽ സ​ന്തോ​ഷത്തിലാണ് നാട്ടുകാർ.

ഇ​ന്ന​ലെ ധ​ന​മ​ന്ത്രി തോ​മ​സ് ഐ​സ​ക്ക് അ​വ​ത​രി​പ്പി​ച്ച ബ​ഡ്ജ​റ്റിൽ എം​.എൽ.​എമാർ ഉ​ന്ന​യി​ച്ച വി​വി​ധ ​പ​ദ്ധ​തി​കൾ​ക്കാ​യി 1500 കോ​ടി രൂ​പ അ​നു​വ​ദി​ക്കു​ക​യും ചി​ല പ​ദ്ധ​തി​കൾ​ക്ക് പ്രാ​രം​ഭ പ്ര​വർ​ത്ത​ന​ങ്ങൾ തു​ട​ങ്ങു​ന്ന​തി​ന് അ​നു​മ​തി നൽ​കു​ക​യും ചെ​യ്​തു. ഇ​തിൽ പ്രാ​രം​ഭ പ്ര​വർ​ത്ത​ന​ങ്ങൾ തു​ട​ങ്ങു​ന്ന​തി​നാ​യാ​ണ് സാ​മ്പ്രാ​ണി​ക്കോ​ടി ​കു​രീ​പ്പു​ഴ പാ​ല​ത്തി​ന് അ​നു​മ​തി ലഭിച്ചത്.

 കേരളകൗമുദി വാർത്ത തുണയായി

2016ൽ പ്രാ​ക്കു​ളം ഫ്ര​ണ്ട്‌​സ് ഗ്ര​ന്ഥ​ശാ​ല​യാ​ണ് ഇ​ത്ത​രം ഒ​രു ആ​ശ​യ​വു​മാ​യി മു​ന്നി​ട്ടി​റ​ങ്ങി​യ​ത്. ആ​ശ​യ ​ക്രോ​ഡീ​ക​ര​ണ​വും ഒ​പ്പു​ശേ​ഖ​ര​ണ​വു​മൊ​ക്കെ​യാ​യി ഗ്രന്ഥ​ശാ​ലാ ​പ്ര​വർ​ത്ത​കർ മു​ന്നോ​ട്ട് പോ​ക​വേ ഇത് അ​ധി​കൃ​ത​രു​ടെ മു​ന്നി​ലെ​ത്തി​ക്കു​വാൻ 'കേ​ര​ള​കൗ​മു​ദി' മുൻ​കൈ​യെ​ടു​ക്കു​ക​യും നി​ര​ന്ത​രം വാർ​ത്ത​കൾ പ്ര​സി​ദ്ധീ​ക​രി​ക്കു​ക​യും ചെ​യ്​തിരുന്നു. വാർ​ത്ത ശ്രദ്ധയിൽപ്പെട്ട എം. മു​കേ​ഷ് എം.​എൽ.​എ​ പ​ഞ്ചാ​യ​ത്ത് ജ​ന​പ്ര​തി​നി​ധി​ക​ളു​മാ​യും സാ​മൂ​ഹി​ക പ്രവർത്തകരു​മാ​യും ബ​ന്ധ​പ്പെ​ട്ടു. തു​ടർ​ന്ന് കേ​ര​ള​കൗ​മു​ദി അ​ന്ന് ചൂ​ണ്ടി​ക്കാ​ട്ടി​യ​തു​പോ​ലെ ഇ​രു​ക​ര​ക​ളെ​യും ബ​ന്ധി​പ്പി​ക്കു​ന്ന​തി​ന് ദൂ​രം കു​റ​ഞ്ഞ സ്ഥ​ല​ത്ത്​കൂ​ടി പാ​ലം എ​ന്ന ആ​ശ​യം ധ​ന​മ​ന്ത്രി​യു​ടെ ശ്ര​ദ്ധ​യിൽ​പ്പെ​ടു​ത്തു​ക​യു​മാ​യി​രു​ന്നു.

പാ​ലം പൂർ​ത്തി​യാ​കു​ന്ന​തോ​ടെ പ്രാ​ക്കു​ളം, കാ​ഞ്ഞാ​വെ​ളി, മ​ണ​ലി​ക്ക​ട, വ​ന്മ​ള തു​ട​ങ്ങി​യ ഭാ​ഗ​ങ്ങ​ളിൽ നി​ന്ന് ബൈ​പാ​സ് വ​ഴി നീ​ണ്ട​ക​ര, കാ​വ​നാ​ട്, ക​രു​നാ​ഗപ്പ​ള്ളി എ​ന്നി​വി​ട​ങ്ങ​ളി​ലേ​ക്ക് വ​ള​രെ വേ​ഗം എ​ത്താൻ ക​ഴി​യും. ഇ​വി​ടേ​ക്കു​ള്ള യാ​ത്ര​കൾ​ക്ക് കു​റ​ഞ്ഞ​ത് ഒ​രു മ​ണി​ക്കൂ​റെ​ങ്കി​ലും ലാ​ഭി​ക്കാ​നും ക​ഴി​യും.

 ' പ്രാ​ക്കു​ളം സാ​മ്പ്രാ​ണി​ക്കോ​ടി കു​രീ​പ്പു​ഴ പാ​ല​ത്തി​ന് സർ​ക്കാർ അ​നു​മ​തി ല​ഭി​ച്ച​തോ​ടെ ഒ​രു ജ​ന​ത​യു​ടെ സ്വ​പ്ന സാ​ക്ഷാ​ത്​കാ​ര​ത്തി​ന് തു​ട​ക്ക​മാ​കു​ക​യാ​ണ്. ജി​ല്ല​യി​ലെ ടൂ​റി​സം സാ​ധ്യ​ത​യ്​ക്ക് മു​തൽ​ക്കൂ​ട്ടാ​കു​ന്ന ഒ​രു പ​ദ്ധ​തി കൂ​ടി​യാ​ണ് ഇ​ത്. പാ​ലം​ പൂർ​ത്തി​യാ​കു​ന്ന​തി​നു​ള്ള തു​ടർന​ട​പ​ടി​കൾ വേ​ഗ​ത്തി​ലാ​ക്കു​ന്ന​തി​ന് ശ​ക്ത​മാ​യ ഇ​ട​പെ​ട​ലു​ക​ളു​ണ്ടാ​കും ​

എം. മു​കേ​ഷ് എം​.എൽ.​എ