പുനലൂർ: എസ്.എൻ.ഡി.പി യോഗം 2197-ാം നമ്പർ ആർ. ശങ്കർ മെമ്മോറിയൽ ഇളമ്പൽ ശാഖയിൽ പണികഴിപ്പിച്ച ഗുരുദേവ പഞ്ചലോഹ വിഗ്രഹ പ്രതിഷ്ഠാ കർമ്മവും ക്ഷേത്ര, ഓഫീസ് സമർപ്പണ സമ്മേളനവും 11,12,13 തീയതികളിൽ നടക്കും. 11ന് രാവിലെ 10ന് ശിവഗിരിയിൽ നിന്നാരംഭിക്കുന്ന വിഗ്രഹ ഘോഷയാത്ര വിവിധ ശാഖായോഗങ്ങളിലെ സ്വീകരണങ്ങൾ ഏറ്റുവാങ്ങിയ ശേഷം വൈകിട്ട് 3ന് പുനലൂർ യൂണിയൻ ആസ്ഥാന മന്ദിരത്തിൽ എത്തിച്ചേരും. 3.30ന് പുനലൂർ യൂണിയൻ പ്രസിഡന്റ് ടി.കെ. സുന്ദരേശന്റെ നേതൃത്വത്തിൽ നേതാക്കൾ നൽകുന്ന സ്വീകരണങ്ങൾ ഏറ്റുവാങ്ങിയ വിഗ്രഹ ഘോഷയാത്ര നൂറുകണക്കിന് പീതാംബരധാരികളായ ശ്രീനാരായണീയർ, ഇരുചക്രവാഹനങ്ങൾ, വാദ്യമേളങ്ങൾ തുടങ്ങിയവയുടെ അകമ്പടിയോടെ പുറപ്പെട്ട് വൈകിട്ട് 5ന് ഇളമ്പലിൽ എത്തിച്ചേരും. തുടർന്ന് താലപ്പൊലിയേന്തിയ ബാലികാ, ബാലൻമാർ, മുത്തുക്കുടയേന്തിയ വനിതകൾ, വാദ്യമേളങ്ങൾ തുടങ്ങിയവയുടെ അകമ്പടിയോടെ ഘോഷയാത്രയെ സ്വീകരിച്ച് ശാഖാങ്കണത്തിൽ എത്തിക്കും. വൈകിട്ട് 6ന് ഗുരു പൂജ, ആചാര്യവരണം, ഗണപതി പൂജ, ധാര എന്നിവ നടക്കും. 12ന് രാവിലെ 5.30ന് ഗണപതിഹോമം, ഗുരുപൂജ, 9.30ന് മൃത്യുഞ്ജയഹോമം, വൈകിട്ട് 6ന് ഭഗവതിസേവ, വാസ്തു പൂജ, പ്രസാദ ശുദ്ധി ,ജീവകലശം, ആവാഹനം, ബിംബ ശുദ്ധി, 13ന് രാവിലെ 4.30ന് അഷ്ടദ്രവ്യ മഹാഗണപതിഹോമം, 6ന് ഉഷ പൂജ, 7ന് നവകലശപൂജ, രാവിലെ 8.31നും 9.25നും മദ്ധ്യേ ശിവഗിരി മഠത്തിലെ സ്വാമി വിശാലാനന്ദയുടെയും ക്ഷേത്രം തന്ത്രി എസ്. ശ്യാംകുമാറിന്റെയും മുഖ്യകാർമ്മികത്വത്തിൽ ഗുരുദേവ പഞ്ചലോഹ വിഗ്രഹപ്രതിഷ്ഠാ കർമ്മം നടക്കും. തുടർന്ന് ജീവകലശാഭിഷേകം, നവക പഞ്ചഗവ്യകലശം, 10ന് മഹാഗുരു പൂജ, മഹാനിവേദ്യം, ആചാര്യദക്ഷിണ, 10.30ന് സ്വാമി വിശാലാനന്ദയുടെ അനുഗ്രഹ പ്രഭാഷണം, ഉച്ചയ്ക്ക് 1ന് അന്നദാനം. വൈകിട്ട് 3ന് ചേരുന്ന ഗുരുദേവ ക്ഷേത്ര സമർപ്പണ സമ്മേളനത്തിൽ എസ്.എൻ ട്രസ്റ്റ് ബോർഡ് അംഗം പ്രീതി നടേശൻ ഭദ്രദീപം തെളിക്കും. എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ ഗുരുദേവ ക്ഷേത്രം നാടിന് സമർപ്പിക്കും. പുനലൂർ യൂണിയൻ പ്രസിഡന്റ് ടി.കെ. സുന്ദരേശൻ അദ്ധ്യക്ഷത വഹിക്കും. യോഗം അസി. സെക്രട്ടറി വനജ വിദ്യാധരൻ, പുനലൂർ യൂണിയൻ സെക്രട്ടറി ആർ. ഹരിദാസ് എന്നിവർ മുഖ്യപ്രഭാഷണം നടത്തും. യൂണിയൻ വൈസ് പ്രസിഡന്റ് എ.ജെ. പ്രതീപ്, യോഗം ഡയറക്ടർമാരായ എൻ. സതീഷ് കുമാർ, ജി. ബൈജു, യൂണിയൻ കൗൺസിലർമാരായ എസ്. സദാനന്ദൻ, കെ.വി. സുഭാഷ്ബാബു, സന്തോഷ് ജി. നാഥ്, അടുക്കളമൂല ശശിധരൻ, എൻ. സുന്ദരേശൻ, എസ്. എബി, ഡി. ബിനിൽ കുമാർ, വനിതാ സംഘം യൂണിയൻ പ്രസിഡന്റ് ഷീല മധുസൂദനൻ, സെക്രട്ടറി ഓമനാ പുഷ്പാംഗദൻ, വാർഡ് മെമ്പർ ആശ ബിജു, യൂത്ത്മൂവ്മെന്റ് യൂണിയൻ പ്രസിഡന്റ് ഡി. ആദർശ് ദേവ്, സൈബർസേന യൂണിയൻ പ്രസിഡന്റ് പി.ജി. ബിനുലാൽ, ഇളമ്പൽ ശ്രീമഹാദേവ ക്ഷേത്ര കമ്മിറ്റി പ്രസിഡന്റ് പി.എസ്. മുരളി, വനിതാ സംഘം ശാഖാ പ്രസിഡന്റ് ജെ. താമരാക്ഷി ടീച്ചർ തുടങ്ങിയവർ സംസാരിക്കും. ശാഖാ സെക്രട്ടറി എൻ.വി. ബിനുരാജ് റിപ്പോർട്ട് അവതരിപ്പിക്കും. ശാഖാ പ്രസിഡന്റ് എൻ. സോമസുന്ദരൻ സ്വാഗതവും വനിതാ സംഘം ശാഖാ സെക്രട്ടറി എൻ. അംബുജാക്ഷി ടീച്ചർ നന്ദിയും പറയും. വൈകിട്ട് 6ന് ദീപാരാധന, ദീപക്കാഴ്ച, രാത്രി 7ന് പ്രശസ്ത യുവ മാന്ത്രികൻ അനുനന്ദ് അവതരിപ്പിക്കുന്ന മാന്ത്രിക സംഗീത വിരുന്ന്. ശാഖാ പ്രസിഡന്റ് എൻ. സോമസുന്ദരനാണ് ഗുരുദേവ ക്ഷേത്രം പണിയാൻ ആവശ്യമായ ഭൂമി സംഭാവനയായി നൽകിയത്.