കരുനാഗപ്പള്ളി: കുട്ടികളിലെ ചിത്രകലാ വാസനയെ പരിപോഷിപ്പിക്കുന്നതിന്റെ ഭാഗമായി പണ്ടാരത്തുരുത്ത് ഗവ. എൽ.പി സ്കൂളിൽ സ്ഥാപിച്ച ആർട്ട് ഗാലറി കരുനാഗപ്പള്ളി എ.ഇ.ഒ രാജു ഉദ്ഘാടനം ചെയ്തു. പൂർവ വിദ്യാർത്ഥികളായ അഭീഷ് ചന്ദ്രൻ,​ അഭിഷേക് എന്നിവരുടെ സ്മരണാർത്ഥം 2010-15 ബാച്ചിലെ വിദ്യാർത്ഥികളാണ് ആർട്ട് ഗാലറി സ്കൂളിന് സമർപ്പിച്ചത്. കുട്ടികൾക്ക് ചിത്രം വരയ്ക്കുന്നതിനാവശ്യമായ സാധന സാമഗ്രികൾ,​ പ്രൊജക്റ്റർ എന്നിവ സജ്ജീകരിച്ചിട്ടുണ്ട്. പ്രൊജക്റ്ററിന്റെ സ്വിച്ച് ഓൺ കർമ്മം ഭക്തദർശൻ നിർവഹിച്ചു. വികസന സമിതി ചെയർമാൻ എസ്.കൃഷ്ണൻ, എസ്.എം.സി ചെയർമാൻ പുഷ്പകുമാർ പണിക്കർ, പ്രഥമാദ്ധ്യാപിക വി.വി. രേണുക, ചിത്രകലാ അദ്ധ്യാപകൻ ജയപ്രകാശ്, അദ്ധ്യാപകരായ അൻജിഷ് ടി.ആർ, ടി. ജസ്സി തുടങ്ങിയവർ സംസാരിച്ചു.