കൊല്ലം: കശുഅണ്ടിക്കു പുറമെ, കശുമാങ്ങയും സംഭരിക്കാൻ കാഷ്യു കോർപ്പറേഷൻ രംഗത്ത്.5 ലക്ഷം കശുമാവ് തൈകൾ ഉല്പാദിപ്പിച്ച് കൃഷി വ്യാപിപ്പിച്ച് കശുമാങ്ങകൂടി വാങ്ങി കർഷകരെ സഹായിക്കാനാണ് ലക്ഷ്യമിടുന്നത്. 3 മീ​റ്റർ ഉയരമുള്ള കശുമാവാണ് നട്ടു വളർത്തുന്നത്. തറയിൽ നിന്ന് വിളവെടുപ്പു നടത്താൻ കഴിയും. തറയിൽ വീഴാതെ സംഭരിച്ച് നൽകുന്ന കശുമാങ്ങക്ക് 3 രൂപ വീതം കാഷ്യു കോർപ്പറേഷൻ നൽകും. കശുമാങ്ങയിൽ നിന്ന് കാഷ്യു സോഡ, ജാം, കാഷ്യു ആപ്പിൾ ജൂസ് എന്നിവയാണ് ഉത്പാദിപ്പിക്കുന്നത്. വിപണിയിൽ നല്ല ഡിമാന്റുളളവയാണ് ഈ ഉത്പന്നങ്ങൾ. ഇപ്പോൾ കശുമാവ് ഗവേഷണ കേന്ദ്രം മടക്കത്തറയിൽ നിന്നാണ് കാഷ്യു കോർപ്പറേഷൻ കശുമാങ്ങ വാങ്ങുന്നത്. പാഴായി പോകുന്ന കശുമാങ്ങയ്ക്ക് കൂടി വില കിട്ടുന്നത് കർഷകർക്ക് ആശ്വാസമാകും. 10 കശുമാങ്ങ തന്നെ ഒരു കിലോ വരും. റിഹാബിലി​റ്റേഷൻ പ്ലാന്റേഷനിലെ കശുമാങ്ങ സംഭരിച്ച് സംരംഭത്തിന് തുടക്കം കുറിക്കുമെന്ന് ചെയർമാൻ എസ്.ജയമോഹൻ അറിയിച്ചു.
കോർപ്പറേഷന്റെ എല്ലാ ഫാക്ടറികളിലും കടുത്ത വേനലിൽ ആരോഗ്യ സംരക്ഷണത്തിനാവശ്യമായ കാഷ്യു വി​റ്റ, സൂപ്പ് എന്നിവ വിൽപ്പന ആരംഭിക്കും. പുതുതായി ഏജൻസികൾ നൽകും.ഒരു കശുമാങ്ങയിൽ നിന്ന് കിട്ടുന്ന വി​റ്റാമിൻ സി ലഭിക്കണമെങ്കിൽ 6 ഓറഞ്ച് കഴിക്കണം.എല്ലാ കർഷകരും സഹകരിക്കണമെന്ന് ചെയർമാൻ അഭ്യർത്ഥിച്ചു.

പദ്ധതി സവിശേഷത

വളർത്തുന്നത് : 5 ലക്ഷം

കുള്ളൻ കശുമാവിന്റെ ഉയരം 3 മീ​റ്റർ

തറയിൽ നിന്ന് വിളവെടുക്കാം.

ഒരു കശുമാങ്ങക്ക് വില 3 രൂപ

10 കശുമാങ്ങയുടെ തൂക്കം: 1 കിലോ

കശുമാങ്ങ ഉല്പന്നങ്ങൾ

കാഷ്യു സോഡ, ജാം, കാഷ്യു ആപ്പിൾ ജൂസ്

വൈറ്റമിൻ സി

6 ഓറഞ്ച് = 1കശുമാങ്ങ