കൊ​ട്ടി​യം: ഇ​ന്ത്യൻ ക​റൻ​സി കീ​റിയെറിഞ്ഞ് ദൃശ്യങ്ങൾ മൊബൈലിൽ പകർത്തി സ​മൂ​ഹ​മാ​ദ്ധ്യ​മ​ങ്ങ​ളിൽ പ്ര​ച​രി​പ്പി​ച്ച ബേ​ക്ക​റി ഉ​ട​മ​യ്‌​ക്കെ​തി​രെ കൊ​ട്ടി​യം പൊ​ലീ​സ് കേ​സെ​ടു​ത്തു. ഉ​മ​യ​ന​ല്ലൂർ ജം​ഗ്​ഷ​നിൽ ബേ​ക്ക​റി ന​ട​ത്തു​ന്ന കൊ​ല്ലന്റ​ഴി​ക​ത്ത് നി​വാ​സി(56)നെ പ്ര​തി​യാ​ക്കി​യാ​ണ് പൊ​ലീ​സ് കേ​സെ​ടു​ത്ത​ത്.

കടം വാങ്ങിയ പണം തിരികെ നൽകാൻ വൈകിയതിന്റെ വിരോധത്തിൽ ര​ണ്ടാ​യി​ര​ത്തി​ന്റെ​യും അ​ഞ്ഞൂ​റി​ന്റെ​യും നോട്ടുകൾ കീറി നശിപ്പിക്കുന്നതായി ആരോപിച്ചാണ് സമൂഹമാദ്ധ്യമങ്ങളിൽ ദൃശ്യം പ്രചരിച്ചത്. പ​ണം കൈ​മാ​റി​യ സെ​ലീ​ന​ എന്ന യുവതിയുടെ കൺമുന്നിൽ വ​ച്ചാ​ണ് നോ​ട്ടു​കൾ വ​ലി​ച്ചുകീ​റി ദൂ​രെ​യെ​റി​ഞ്ഞ​ത്.

ദൃശ്യങ്ങൾ സ​മൂ​ഹ​മാദ്ധ്യ​മ​ങ്ങ​ളിൽ അതിവേഗം പ്രചരിച്ചെങ്കിലും പൊ​ലീ​സ് ന​ട​പ​ടി​യെടുത്തിരുന്നില്ല. തുടർന്ന് വ്യാ​പ​ക​മാ​യ ആ​ക്ഷേ​പ​ങ്ങ​ൾ സമൂ​ഹ​മാദ്ധ്യ​മ​ങ്ങ​ളിൽ നി​റ​ഞ്ഞിരുന്നു. ഇ​തോ​ടെ ന​ശി​പ്പി​ച്ച​ത് ഉ​ത്സ​വസ്ഥ​ല​ത്ത് നി​ന്ന് വാ​ങ്ങി​യ പ്ലാ​സ്റ്റി​ക് നോ​ട്ടു​ക​ളാ​യി​രു​ന്നുവെന്ന വിശദീകര​ണ​വു​മാ​യി നി​വാ​സ് രം​ഗ​ത്തെത്തി. ഇ​തി​നി​ടെ സെ​ലീ​ന പൊ​ലീ​സി​ന് പ​രാ​തി നൽ​കി​യ​തോ​ടെ​യാ​ണ് വിവിധ വകുപ്പുകൾ ചുമത്തി കൊ​ട്ടി​യം പൊ​ലീ​സ് കേ​സ് രജി​സ്റ്റർ ചെ​യ്​ത​ത്.