കൊ​ല്ലം: ജീ​വി​ത​കാ​ല​മ​ത്ര​യും തൊ​ഴി​ലാ​ളി വർ​ഗ്ഗ​ത്തി​നു​വേ​ണ്ടി ജീ​വി​തം ഉ​ഴി​ഞ്ഞു​വ​ച്ച നി​ഷ്​ക​ള​ങ്ക​നും നി​സ്വാർ​ത്ഥ​നു​മാ​യ നേ​താ​വാ​യി​രു​ന്നു ആർ.എ​സ്​. ഉ​ണ്ണിയെന്ന് എൻ. കെ. പ്രേമചന്ദ്രൻ എം.പി. പറഞ്ഞു. പൊ​തു​പ്ര​വർ​ത്ത​ന രം​ഗ​ത്ത്​ അ​ദ്ദേ​ഹം ദേ​ശീ​യ മാ​തൃ​ക​യാ​ണ്​. നി​യ​മ​സ​ഭാ പ്ര​വർ​ത്ത​നം സു​ഗ​മ​വും സു​താ​ര്യ​വു​മാ​ക്കു​ന്ന​തി​നാ​യി ആർ.എ​സ്​. ഉ​ണ്ണി ന​ട​പ്പാ​ക്കി​യ സ​ബ്​ജ​ക്ട​റ്റ്​ ക​മ്മി​റ്റി​യും സെ​ല​ക്ട്​ ക​മ്മ​റ്റി​യും പി​ന്നീ​ട്​ മ​റ്റ്​ നി​യ​മ​സ​ഭ​കൾ​ക്കും, പാർ​ല​മെന്റി​നും മാ​തൃ​ക​യാ​യി ​മാ​റി. ചു​രു​ങ്ങി​യ​കാ​ലം കേ​ര​ള നി​യ​മ​സ​ഭാ സ്​പീ​ക്ക​റു​ടെ ചു​മ​ത​ല വ​ഹി​ച്ച​പ്പോഴാ​ണ്​ ഈ പ​രി​ഷ്​കാ​രം അ​ദ്ദേ​ഹം ന​ടപ്പിലാ​ക്കി​യ​ത്​.
1980ലെ നായ​നാർ മ​ന്ത്രി​സ​ഭ​യിൽ അംഗമാ​യി​രു​ന്ന അ​ദ്ദേ​ഹം ത​ദ്ദേ​ശസ്വ​യം​ഭ​ര​ണ വ​കു​പ്പ് ​ ച​ല​നാ​ത്മ​ക​മാ​ക്കി. അ​ധി​കാ​ര​വി​കേ​ന്ദ്രീ​ക​ര​ണം ല​ക്ഷ്യ​മാ​ക്കി ജി​ല്ലാ കൗൺ​സിൽ നി​യമം പ്രാ​വർ​ത്തി​ക​മാ​ക്കി​യ​തും ഇ​ന്ത്യ​യിൽ ആ​ദ്യ​മാ​യി 'തോ​ട്ടി​പ്പ​ണി' നി​യ​മം മൂ​ലം നി​റു​ത്ത​ലാ​ക്കി​യ​തും ആർ.എ​സ്​. ഉ​ണ്ണി​യാ​ണ്​. തൊ​ഴി​ലാ​ളി പ്ര​വർ​ത്ത​ന​ത്തി​ലൂ​ടെ വ​ളർ​ന്ന്​ മി​ക​ച്ച പാർ​ല​മെ​ന്റേ​റി​യനും ഭര​ണ​കർ​ത്താ​വു​മാ​യി മാ​റി​യ ആർ.എ​സ്​. ഉ​ണ്ണി​യു​ടെ സ്​മ​ര​ണ എ​ന്നെ​ന്നും നി​ല​നിൽ​ക്കും.

21​-ാം ച​ര​മ​വാർ​ഷി​ക​ത്തോ​ട്​ അ​നു​ബ​ന്ധി​ച്ച്​ കോ​മോ​സ്​ അ​ങ്ക​ണ​ത്തി​ലെ സ്​മൃ​തി​മ​ണ്ഡ​പ​ത്തിൽ രാ​വി​ലെ പു​ഷ്​പാർ​ച്ച​ന​യും അ​നു​സ്​മ​ര​ണ യോ​ഗ​വും ന​ട​ന്നു. ആർ.എ​സ്​.പി. സം​സ്ഥാ​ന സെ​ക്ര​ട്ട​റി എ.എ. അസീ​സി​ന്റെ അ​ദ്ധ്യ​ക്ഷ​തയിൽ കൂ​ടി​യ സ​മ്മേ​ള​ന​ത്തിൽ എൻ.കെ. പ്രേ​ച​ന്ദ്രൻ എം.പി. അ​നു​സ്​മ​ര​ണ പ്ര​ഭാ​ഷ​ണം ന​ട​ത്തി. മുൻ മ​ന്ത്രി​മാ​രാ​യ ബാ​ബു ദി​വാ​ക​രൻ, ഷി​ബു ബേ​ബി​ജോൺ, ജി​ല്ലാ സെ​ക്ര​ട്ട​റി കെ.എ​സ്​. വേ​ണു​ഗോ​പാൽ, കോ​മോ​സ്​ പ്ര​സി​ഡന്റ്​ കെ.പി. ഉ​ണ്ണി​കൃ​ഷ്​ണൻ, പി. പ്ര​കാ​ശ്​ ബാ​ബു, ജെ.മ​ധു, രാ​ജേ​ന്ദ്ര​പ്ര​സാ​ദ്​, ടി.സി.വി​ജ​യൻ, ഉ​ല്ലാ​സ്​ കോ​വൂർ, കെ.സി​സി​ലി, കു​രീ​പ്പു​ഴ മോ​ഹൻ, സ​ജി ഡി. ആ​ന​ന്ദ്, മീ​നാകു​മാ​രി, അ​ഡ്വ. ദീ​പ, ബാ​ബു ജോ​സ​ഫ്​ ആർ.കെ. പി​ള്ള, ദി​ലീ​പ്​ മം​ഗ​ല​ഭാ​നു, ബി. ഓ​മ​ന​ക്കു​ട്ടൻ, തു​ട​ങ്ങി​യ​വർ സം​സാ​രി​ച്ചു.