കരുനാഗപ്പള്ളി: വിദ്യാർത്ഥിനിയെ ട്രെയിനിൽ നിന്നു വീണ് മരിച്ച നിലയിൽ കണ്ടെത്തി. പന്മന വടക്കുംതല പൂവണ്ണാൽ മോഹനൻപിള്ളയുടെയും അഞ്ജനയുടെയും മകൾ അപർണാ മോഹനനാണ് (19) മരിച്ചത്. ചവറ ഗവൺമെന്റ് കോളേജിലെ അവസാന വർഷ ഡിഗ്രി വിദ്യാർത്ഥിനിയായിരുന്നു. ഇന്നലെ വൈകിട്ട് കായംകുളത്ത് നിന്നും ഐലന്റ് എക്സ് പ്രസിൽ കോട്ടയത്തേക്ക് യാത്രചെയ്യവേ ഭഗവതിപ്പടി റെയിൽവേ ഗേറ്റിന് സമീപംവെച്ച് പെൺകുട്ടി പുറത്തേക്ക് വീണതായി ട്രെയിൻ യാത്രക്കാരനാണ് റെയിൽവേ പോലീസിൽ അറിയിച്ചത്. തുടർന്ന് പാളത്തിനരികിലെ കുറ്റിക്കാട്ടിൽ മൃതദേഹം കണ്ടെത്തിയത്. മൃതദേഹം കായംകുളം താലൂക്കാശുപത്രി മോർച്ചറിയിൽ. മനുമോഹൻ സഹോദരനാണ്.