കൊ​ല്ലം: പു​തി​യ സാ​മ്പ​ത്തി​ക വർ​ഷ​ത്തിൽ പ​ത്ത് ല​ക്ഷം കു​ടും​ബ​ങ്ങൾ​ക്ക് കു​ടി​വെ​ള്ള ക​ണ​ക്ഷൻ ല​ഭ്യ​മാ​ക്കു​മെ​ന്ന് മ​ന്ത്രി കെ. കൃ​ഷ്​ണൻ​കു​ട്ടി പ​റ​ഞ്ഞു. തൃ​ക്കോ​വിൽ​വ​ട്ടം - നെ​ടു​മ്പ​ന കു​ടി​വെ​ള്ള പ​ദ്ധ​തി ക​ണ്ണ​ന​ല്ലൂർ ജം​ഗ്​ഷ​നിൽ ഉ​ദ്​ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം. നി​ല​വിൽ ഏ​ഴ​ര ല​ക്ഷം കു​ടും​ബ​ങ്ങ​ളിൽ കു​ടി​വെ​ള്ളം എ​ത്തി​ക്കാൻ ക​ഴി​ഞ്ഞി​ട്ടു​ണ്ട്. എ​ല്ലാ​വർ​ക്കും കു​ടി​വെ​ള്ളം ലഭ്യമാക്കുക​യെ​ന്ന​ത് സർ​ക്കാ​രി​ന്റെ ക​ട​മ​യാ​ണെ​ന്നും അ​ദ്ദേ​ഹം പ​റ​ഞ്ഞു.

ച​ട​ങ്ങിൽ മ​ന്ത്രി ജെ. മേ​ഴ്‌​സി​ക്കു​ട്ടി​അ​മ്മ അ​ദ്ധ്യ​ക്ഷത വഹിച്ചു. എൻ.കെ. പ്രേ​മ​ച​ന്ദ്രൻ എം.പി മു​ഖ്യ​പ്ര​ഭാ​ഷ​ണം ന​ട​ത്തി. കേ​ര​ള ജ​ല അ​തോ​റി​റ്റി സൂ​പ്ര​ണ്ടിം​ഗ് എ​ൻജിനി​യർ പ്ര​കാ​ശ് ഇ​ടി​ക്കു​ള റി​പ്പോർ​ട്ട് അ​വ​ത​രി​പ്പി​ച്ചു. തൃ​ക്കോ​വിൽ​വ​ട്ടം പ​ഞ്ചാ​യ​ത്ത് പ്ര​സി​ഡന്റ് ജെ. സു​ലോ​ച​ന, നെ​ടു​മ്പ​ന പ​ഞ്ചാ​യ​ത്ത് പ്ര​സി​ഡന്റ് എ​സ്. നാ​സ​റു​ദ്ദീൻ, തൃ​ക്കോ​വിൽ​വ​ട്ടം പ​ഞ്ചാ​യ​ത്ത് വൈ​സ് പ്ര​സി​ഡന്റ് ജ​ല​ജാ കു​മാ​രി, മു​ഖ​ത്ത​ല ബ്ലോ​ക്ക് പ​ഞ്ചാ​യ​ത്ത് വി​ക​സ​ന​കാ​ര്യ സ്റ്റാൻഡിംഗ് ക​മ്മി​റ്റി ചെ​യർ​മാൻ ജോർ​ജ്ജ് മാ​ത്യു, ബ്ലോ​ക്ക് ​- ​ഗ്രാ​മ പ​ഞ്ചാ​യ​ത്ത് അം​ഗ​ങ്ങൾ, കേ​ര​ള ജ​ല അ​തോ​റി​റ്റി ദ​ക്ഷി​ണ​മേ​ഖ​ല ചീ​ഫ് എ​ൻജിനീ​യർ ജി. ശ്രീ​കു​മാർ തു​ട​ങ്ങി​യ​വർ സം​സാ​രി​ച്ചു.

 27 കോടി രൂപയുടെ പദ്ധതി

തൃ​ക്കോ​വിൽ​വ​ട്ടം പ​ഞ്ചാ​യ​ത്ത് നെ​ടു​മ്പ​ന പ​ഞ്ചാ​യ​ത്തി​ലെ മൂ​ന്ന് വാർ​ഡു​കൾ ഉൾ​പ്പ​ടെ 50,000 ജ​ന​ങ്ങൾ​ക്കാണ് പ​ദ്ധ​തി​യി​ലൂ​ടെ കു​ടി​വെ​ള്ളം ല​ഭ്യ​മാ​കുന്നത്. 27 കോടി രൂപ ചെലവിൽ ര​ണ്ട് ഘ​ട്ട​ങ്ങ​ളാ​യാ​ണ് പ​ദ്ധ​തി ന​ട​പ്പി​ലാ​ക്കി​യ​ത്.