കൊല്ലം: വധശ്രമക്കേസിൽ ഒളിവിലായിരുന്ന പ്രതികൾ കീഴടങ്ങി. ഉളിയനാട് സന്തോഷ് ഭവനിൽ സന്തോഷിനെ വീട്ടിൽ അതിക്രമിച്ച് കയറി കമ്പി കൊണ്ട് തലയ്ക്കടിച്ച് ഗുരുതരമായി പരിക്കേൽപ്പിച്ച കേസിലെ രണ്ടും അഞ്ചും പ്രതികളായ ഉളിയനാട് കാർത്തികയിൽ ജിതിൻ (30), ഉളിയനാട് പൊയ്കയിൽ വീട്ടിൽ മുകേഷ് (32) എന്നിവരാണ് കീഴടങ്ങിയത്.

രണ്ടാഴ്ച് മുമ്പായിരുന്നു സംഭവം. മുൻ വൈരാഗ്യമാണ് അക്രമത്തിൽ കലാശിച്ചത്. ഈ കേസിലെ മറ്റ് നാല് പ്രതികളെ പൊലീസ്‌ നേരത്തെ അറസ്റ്റ് ചെയ്തിരുന്നു.