കു​ണ്ട​റ: കഞ്ചാവ് കേസിലെ പ്രതിയെ വൈദ്യപരിശോധനയ്ക്ക് ആശുപത്രിയിൽ എത്തിച്ചപ്പോൾ ഓടി രക്ഷപ്പെട്ടു. ത​മി​ഴ്‌​നാ​ട്ടിൽ​നി​ന്ന് ക​ഞ്ചാ​വ് എ​ത്തി​ച്ച് വിൽ​പ്പന​യ്​ക്ക് ത​യ്യാ​റെ​ടു​ക്കു​ന്ന​തി​നി​ടെ പൊ​ലീസ് പി​ടി​യി​ലാ​യ നാ​ലംഗസംഘത്തിലെ പു​ന്ന​വി​ള വീ​ട്ടിൽ രാ​ഹുലാണ് (22) ര​ക്ഷ​പ്പെ​ട്ട​ത്.

വൈ​ദ്യ​പ​രി​ശോ​ധ​ന​യ്​ക്ക് വി​ല​ങ്ങ് അ​ഴി​ച്ച​തോ​ടെ ആ​ശു​പ​ത്രി​ക്ക് പു​റ​ത്തേ​ക്ക് ഓ​ടു​ക​യാ​യി​രു​ന്നു. വെ​ള്ളി​യാ​ഴ്​ച വൈ​കി​ട്ട് 5.30​ ഓ​ടെ​യാ​ണ് ര​ണ്ട് കി​ലോ ക​ഞ്ചാ​വു​മാ​യി രാ​ഹുൽ, സ​ബീർ, അ​ഖിൽ, സ​രുൺ എ​ന്നി​വ​ർ പിടിയിലായത്. ആ​ശു​പ​ത്രി​മു​ക്കി​ന് സ​മീ​പം ചെ​പ്പ​ള്ളി​ഭാ​ഗ​ത്ത് ആ​ളൊ​ഴി​ഞ്ഞ വീ​ട്ടി​ന്റെ സി​റ്റ്ഔ​ട്ടിൽ പൊ​തി​ക​ളാക്കു​ന്ന​തി​നി​ടെ​യാ​ണ് പൊ​ലീസ് വീ​ട് വ​ള​ഞ്ഞ് പി​ടി​കൂ​ടി​യ​ത്. ശ​നി​യാ​ഴ്​ച ഉ​ച്ച​യ്​ക്ക് 2.45​ഓ​ടെ കോ​ട​തി​യിൽ ഹാ​ജ​രാ​ക്കു​ന്ന​തിന് വൈ​ദ്യ​പ​രി​ശോ​ധ​ന​യ്​ക്ക് കാ​ഞ്ഞി​ര​കോ​ട് താ​ലൂ​ക്ക് ആ​ശു​പ​ത്രി​യി​ലെ​ത്തി​ച്ചു.

വി​ല​ങ്ങ​ഴി​ച്ച് ഡോ​ക്ട​റു​ടെ കാ​ബി​നി​ലേ​ക്ക് പ്ര​വേ​ശി​പ്പിക്കു​ന്ന​തി​നി​ടെ രാ​ഹുൽ പി​ന്നോ​ട്ടോ​ടി ര​ക്ഷ​പ്പെ​ടു​ക​യാ​യി​രു​ന്നു. മെ​ഡി​ക്കൽ പ​രി​ശോ​ധ​ന​യ്​ക്കാ​യി കൊ​ണ്ടു​പോ​കു​മ്പോൾ ര​ണ്ട് പൊ​ലീസു​കാ​രും ഡ്രൈ​വ​റും മാ​ത്ര​മാ​ണ് പ്ര​തി​കൾ​ക്കൊ​പ്പ​മു​ണ്ടാ​യി​രു​ന്ന​ത്. ആ​ശു​പ​ത്രി ക്വാർ​ട്ടേ​ഴ്‌​സി​ന​ക​ത്തു​കൂ​ടി വി​ജ​യ​ശ്രീ ക്ല​ബ്, ആൽ​ത്ത​റ​മു​കൾ, ത​ണ്ണി​ക്കോ​ട് വ​ഴി പൊ​ട്ടി​മു​ക്കിൽ നിർ​മ്മാ​ണ​ത്തി​ലി​രി​ക്കു​ന്ന കെ​ട്ടി​ട​ത്തി​ലേ​ക്ക് ക​ട​ന്ന പ്ര​തി​യു​ടെ പി​ന്നാ​ലെ പൊലീ​സ് എ​ത്തി​യെ​ങ്കി​ലും ര​ക്ഷ​പ്പെ​ട്ടു. പ​ള്ളി​ക്ക​മു​ക്ക്, കൊ​ല്ലൂർ​കോ​ണം ജ​യ​ന്തി കോ​ള​നി ഭാ​ഗ​ത്തേ​ക്ക് ഓ​ടി​യ പ്ര​തി​ക്കു​പി​ന്നാ​ലെ​യും പൊ​ലീ​സ് എ​ത്തി​യെ​ങ്കി​ലും പി​ടി​കൂ​ടാ​നാ​യി​ല്ല. തി​രു​വ​ന​ന്ത​പു​രം, ഇ​ര​വി​പു​രം, കു​ണ്ട​റ സ്റ്റേ​ഷ​നു​ക​ളിൽ നി​ര​വ​ധി ക​ഞ്ചാ​വ് കേ​സു​ക​ളിൽ പ്ര​തി​യാ​ണ് രാ​ഹുൽ.