തൃപ്രയാർ: നാട്ടിക ഇയ്യാനി ശ്രീ ഭഗവതി ക്ഷേത്രമഹോത്സവം ആറാട്ടോടെ സമാപിച്ചു. രാവിലെ ഗണപതി ഹോമം, ഉഷപൂജ, ആറാട്ട് ബലി തുടർന്ന് പട്ടര് കടവിൽ ആറാട്ടും നടന്നു. ചടങ്ങുകൾക്ക് ഗുരുപദം വിനോദ് ശാന്തി, മേൽശാന്തി എൻ.എസ്. ജോഷി എന്നിവർ കാർമ്മികത്വം വഹിച്ചു. ക്ഷേത്രം ഭാരവാഹികളായ ഇ.എസ്. സുരേഷ് ബാബു, ഇ.ആർ. രാജു, ഇ.എ.ടി സ്‌നിതീഷ്, സുധാകരൻ, പ്രഫുലചന്ദ്രൻ, തിലകൻ ഞായക്കാട്ട്, ജയതിലകൻ ഇയ്യാനി എന്നിവർ നേതൃത്വം നൽകി. ആറാട്ടിന് ശേഷം ആറാട്ട് കഞ്ഞി വിതരണവും നടന്നു. അനിൽ വടാശ്ശേരി, സന്തോഷ് കാള കൊടുവത്ത്, മണികണ്ഠൻ തണ്ടയാംപറമ്പിൽ, ഗിരീഷ് വടക്കൻ, ശശി കൊട്ടുക്കൽ, സുശീല, വർഗീസ്, സുരേഷ് കാള കൊടുവത്ത് സരേഷ് ബാബു ഇയ്യാനി എന്നിവർ കഞ്ഞി വിതരണത്തിന് നേതൃത്വം നൽകി. നൂറുകണക്കിന് ഭക്തർ ചടങ്ങുകളിൽ പങ്കെടുത്തു.