തൃശൂർ : വീഥികൾ ഇന്ന് നിറങ്ങളിൽ ആറാടും. കൂർക്കഞ്ചേരി മാഹേശ്വര ക്ഷേത്രത്തിൽ തൈപ്പൂയത്തിന്റെ ഭാഗമായി വിവിധ ദേശങ്ങളിൽ നിന്നെത്തുന്ന കാവടികൾ ക്ഷേത്രപരിസരത്ത് നിറഞ്ഞാടും. ഇന്ന് രാവിലെ നാലിന് പള്ളിയുണർത്തൽ ചടങ്ങോടെ പൂയാഘോഷത്തിന് തുടക്കമാകും. അഞ്ചിന് യോഗം വക കാവടിയാട്ടവും അഭിഷേകവും. കൂർക്കഞ്ചേരി മുരുക സംഘത്തിന്റെ കർപ്പൂരാരാധനയും തേരെഴുന്നള്ളിപ്പും ഉണ്ടാകും. രാവിലെ 10.35 മുതൽ 2.15 വരെ ദേശങ്ങളിൽ നിന്ന് വരുന്ന കാവടിയാട്ടവും അഭിഷേകവും നടക്കും. രാത്രി 11.15 മുതൽ പുലർച്ചെ 2.05 വരെ ഭസ്മക്കാവടിയാട്ടവും നടക്കും. പൂയ ദിവസം വൈകിട്ട് 4.30 ന് കൂട്ടിയെഴുന്നള്ളിപ്പ് നടക്കും.

ഒമ്പതിന് രാത്രി അത്താഴ പൂജയ്ക്ക് ശേഷം പള്ളിവേട്ടയ്ക്കായി കണിമംഗലം ശ്രീനാരായണ ഹൈസ്‌കൂളിൽ എത്തി ചടങ്ങുകളിൽ പങ്കെടുത്ത് മടങ്ങും. 10 ന് രാവിലെ തീർത്ഥക്കുളത്തിൽ ആറാട്ട് കഴിഞ്ഞ് പഞ്ചവാദ്യത്തോടെ ക്ഷേത്രത്തിൽ തിരിച്ചെത്തി കൊടിയിറക്കും. തുടർന്ന് പ്രസാദ ഊട്ടും നടക്കും...