തൃശൂർ : ഗവ. മെഡിക്കൽ കോളേജ് ആശുപത്രിയിൽ നിരീക്ഷണത്തിൽ കഴിഞ്ഞിരുന്ന രണ്ട് പേർ കൂടി ആശുപത്രി വിട്ടു. കൊറോണ വൈറസ് രോഗബാധ പ്രതിരോധ നടപടികളുടെ അടിസ്ഥാനത്തിൽ ഗവ. മെഡിക്കൽ കോളേജ് ആശുപത്രിയിൽ രണ്ട് പേരും തൃശൂർ ജനറൽ ആശുപത്രിയിൽ രണ്ട് പേരുമടക്കം ജില്ലയിൽ നിലവിൽ നാലു പേർ ആശുപത്രിയിലും 206 പേർ വീടുകളിലും നിരീക്ഷണത്തിൽ കഴിയുന്നുണ്ട്. പുതിയ സാമ്പിളുകൾ ഒന്നും തന്നെ പരിശോധനയ്ക്ക് അയച്ചിട്ടില്ല. ബോധവത്കരണ പ്രവർത്തനങ്ങളുടെ ഭാഗമായി ഇന്നലെ 6,002 പേർക്ക് പരിശീലനം നൽകി. ജില്ലയിൽ ആകെ 82,021 പേർക്ക് ബോധവത്കരണ ക്ലാസ് നൽകി..