ആറ്റിങ്ങൽ: സ്‌കൂൾ കുട്ടികളെ അശ്ലീല വീഡിയോകാണിച്ച് പീ‌ഡിപ്പിച്ചയാളെ ആറ്റിങ്ങൽ പൊലീസ് പിടികൂടി. ആറ്റിങ്ങൽ പാലസ് റോഡിൽ തയ്യൽകട നടത്തുന്ന കിളിമാനൂർ പനപ്പാംകുന്ന് ആർ.എസ് നിലയത്തിൽ രാജേന്ദ്രനാണ് (50) അറസ്റ്റിലായത്. വസ്ത്രങ്ങൾ തയ്പ്പിക്കാനെത്തുന്ന കുട്ടികളെയാണ് ഇയാൾ പീഡിപ്പിച്ചിരുന്നത്. ഒമ്പതാം ക്ലാസുകാരന്റെ പരാതിയിലാണ് ഇയാളെ പിടികൂടിയത്. ഇയാളുടെ ഫോണിൽ നിന്നും ധാരാളം അശ്ലീല ചിത്രങ്ങളും വീഡിയോകളും കണ്ടെത്തി. ആറ്റിങ്ങൽ ഡിവൈ.എസ്.പി പി.വി. ബേബിയുടെ നിർദ്ദേശപ്രകാരം, എസ്.എച്ച്.ഒ വി.വി. ദിപിൻ, എസ്.ഐ സനൂജ്, എ.എസ്.ഐ ഫിറോസ് ഖാൻ സി.പി.ഒമാരായ ജയൻ, ബാലു, അനീഷ് എന്നിവരുൾപ്പെട്ട സംഘമാണ് പ്രതിയെ പിടികൂടിയത്. ഇയാളെ റിമാൻഡ് ചെയ്‌തു.