വിതുര: കൊഫുഖാൻ ഷിട്ടോറിയു കരാട്ടേ സ്കൂളിന്റെ നേതൃത്വത്തിലുള്ള 4ാമത് ദേശീയ കരാട്ടേ സെമിനാർ 4ന് രാവിലെ 9 മുതൽ പറണ്ടോട് വലിയ കലുങ്ക് ബി.എസ്. ഒാഡിറ്റോറിയത്തിൽ നടക്കും. കീജിതോമിയാമ ജപ്പാൻ ഉദ്ഘാടനം ചെയ്ത് ക്ലാസ് നയിക്കും. സംസ്ഥാനത്തിനകത്തും പുറത്തുനിന്നുമായി മുന്നൂറിൽ പരം കരാട്ടേ പ്രതിഭകൾ ക്യാമ്പിൽ പങ്കെടുക്കും. വൈകിട്ട് 4ന് നടക്കുന്ന സമാപനസമ്മേളനം ഒാൾ ഇന്ത്യ കരാട്ടേ ടെക്നിക്കൽ ‌‌‌ഡയറക്ടർ ഷിഹാൻ എം. കനകരാജ് ഉദ്ഘാടനം ചെയ്യും. കീജിതോമിയാമ സർട്ടിഫിക്കറ്റുകൾ വിതരണം നടത്തും. സെൻസായിമാരായ സലീം, കുമാരസ്വാമി, ഷൺമുഖം, രാജേഷ് എന്നിവർ പങ്കെടുക്കും. മുഖ്യ പരിശീലകൻ സെൻസായി വലിയകലുങ്ക് എൻ. അനിൽകുമാർ ക്യാമ്പിന് നേതൃത്വം നൽകും.