ബാലരാമപുരം: ബാലരാമപുരം ഗവൺമെന്റ് ഹയർസെക്കൻഡറി സ്കൂളിലെ 1996-97 ബാച്ചിലെ പൂർവവിദ്യാർത്ഥികളുടെ കൂട്ടായ്മയായ ക്ലാസ്മേറ്റ്സിന്റെ മൂന്നാം വാർഷികാഘോഷം 9ന് ബാലരാമപുരം കൽപ്പടിയിൽ ആ‌ഡിറ്റോറിയത്തിൽ നടക്കും.മജ്ജമാറ്റിവയ്ക്കൽ ശസ്ത്രക്രീയക്ക് വിധേയയായ കോഴോട് കൂലിത്തൊഴിലാളിയായ അജി-നിഷാ ദമ്പതികളുടെ മകൾ അഭിരാമിയുടെ ചികിത്സാ ചെലവിലേക്ക് ക്ലാസ്മേറ്റ്സ് ഗ്രൂപ്പ് 1996-97 ബാച്ച് ധനസമാഹരണവും ആരംഭിച്ചിട്ടുണ്ട്.രാവിലെ 9ന് സ്വാഗതമേളം,​ 10 ന് നക്ഷത്രപൂരം,​ 11 ന് കളിക്കളം,​ ഉച്ചക്ക് ഒന്നിന് സൗഹൃദവിരുന്ന്,​ രണ്ടിന് ഈ തണലിൽ ഇത്തിരിനേരം,​വൈകിട്ട് 4ന് നടക്കുന്ന സമാപന സമ്മേളനത്തിൽ അഡ്വ.എം.വിൻസെന്റ് എം.എൽ.എ അഭിരാമിയുടെ മാതാവിന് ചികിത്സാ ധനസഹായം കൈമാറും.