വിതുര: ചായം ശ്രീഭദ്രകാളിക്ഷേത്രത്തിലെ പ്രതിഷ്ഠാവാർഷിക, ദേശീയതൂക്കനേർച്ച ഉത്സവത്തിന്റെ ആറാം ദിവസമായ ഇന്ന് രാവിലെ പതിവ് പൂജകൾക്കും,വിശേഷാൽപൂജകൾക്കും പുറമേ രാവിലെ പത്തിന് ക്ഷേത്രത്തിന്റെയും, നെയ്യാറ്റിൻകര നിംസ് മെഡിസിറ്റിയുടെയും നേതൃത്വത്തിൽ മെഡിക്കൽ ക്യാമ്പ് നടക്കും. രാത്രി ഏഴിന് സംഗീതക്കച്ചേരി, 9ന് ശാസ്ത്രീയനൃത്തനൃത്യം. ചായം, വിതുര മേഖലകളെ ഉത്സവലഹരിയിലാടാറിച്ച് നടക്കുന്ന കലാപരിപാടികളും, പൂജകളിലും, അന്നദാനത്തിലും പങ്കാളികളാകുവാൻ ആയിരക്കണക്കിന് പേരാണ് ക്ഷേത്രത്തിലെത്തുന്നത്. ക്ഷേത്രകമ്മിറ്റി ഭാരവാഹികളായ കെ.ജെ.ജയചന്ദ്രൻനായർ, എസ്.സുകേഷ്‌കുമാർ, എൻ.രവീന്ദ്രൻനായർ, കെ.മുരളീധരൻനായർ, എസ്.ജയേന്ദ്രകുമാർ, കെ.ഗോപാലകൃഷ്ണൻനായർ, സി.ചന്ദ്രൻ, മണലയം മണികണ്ഠൻ, ചായം സുധാകരൻ, ശ്രീകുമാർ, എ.വിജയൻ, എസ്.തങ്കപ്പൻപിള്ള, പി.ബിജുകുമാർ, കെ.എൽ.ജയൻബാബു എന്നിവരുടെ നേതൃത്വത്തിലാണ് പരിപാടികൾ നടക്കുന്നത്. പൂജകൾക്ക് ക്ഷേത്രതന്ത്രി ഉണ്ണികൃഷ്ണൻപോറ്റി, മേൽശാന്തി എസ്.ശംഭുപോറ്റി എന്നിവരാണ് കാർമ്മികത്വം വഹിക്കുന്നത്. ഏഴാം ഉത്സവ ദിവസമായ നാളെ രാവിലെ ക്ഷേത്രത്തിന്റെയും നെടുമങ്ങാട് അൽഹിബാ കണ്ണാശുപത്രിയുടെയും നേതൃത്വത്തിൽ നേത്രപരിശോധനാ ക്യാമ്പ് നടക്കും. രാത്രി 8ന് ഡോ.പ്രശാന്ത് വർമ്മയുടെ മാനസജപലഹരി, 9ന് കളംകാവൽ.