നെയ്യാറ്റിൻകര: അഞ്ച് ദിവസങ്ങളിലായി നെയ്യാറ്റിൻകര മുനിസിപ്പൽ സ്റ്റേഡിയത്തിൽ നടക്കുന്ന ബൈബിൾ കൺവെൻഷൻ സമാപിച്ചു. കൺവെൻഷന്റെ സമാപന പൊന്തിഫിക്കൽ ദിവ്യബലിക്ക് ബിഷപ് ഡോ. വിൻസെന്റ് സാമുവൽ മുഖ്യ കാർമ്മികത്വം വഹിച്ചു. സഹനത്തിന്റെയും സാഹോദര്യത്തിന്റെയും സന്ദേശമാണ് ക്രിസ്തു മനുഷ്യരെ പഠിപ്പിച്ചതെന്ന് ബിഷപ് സന്ദേശത്തിൽ പറഞ്ഞു. വികാരി ജനറൽ മോൺ.ജി.ക്രിസ്തുദാസ്, ധ്യന ഗുരു ഫാ. സേവ്യർഖാൻ വട്ടായിൽ, ശുശ്രൂഷ കോ ഓഡിനേറ്റർ മോൺ.വി.പി. ജോസ്, നെയ്യാറ്റിൻകര റീജിയൻ കോ ഓഡിനേറ്റർ മോൺ. സെൽവരാജൻ, കൺവെൻഷൻ കോ ഓഡിനേറ്റർ ഫാ.ജറാൾഡ് മത്യസ് തുടങ്ങിയവർ സഹകാർമ്മികരായി. അട്ടപ്പാടി സെഹിയോൻ ധ്യാന കേന്ദ്രമാണ് കൺവെൻഷന് നേതൃത്വം നൽകിയത്.