നെടുമങ്ങാട്:സർക്കാർ കോമേഴ്സ്യൽ ഇൻസ്റ്റിറ്റ്യൂട്ടുകളുടെ സംസ്ഥാനതല കലാ-കായികമേള 'നിറവ് അനന്തപുരി' 8,9 തിയതികളിൽ നെടുമങ്ങാട് ഗവണ്മെന്റ് ടെക്നിക്കൽ ഹൈസ്‌കൂളിൽ നടക്കുമെന്ന് സംഘാടകസമിതി കൺവീനറും നഗരസഭ ചെയർമാനുമായ ചെറ്റച്ചൽ സഹദേവൻ വാർത്താസമ്മേളനത്തിൽ അറിയിച്ചു. 27 കായിക ഇനങ്ങളിലും 25 കലാവിഭാഗങ്ങളിലുമായി ആയിരത്തിലേറെ പ്രതിഭകൾ മാറ്റുരയ്ക്കും.നാല് വേദികളിലായാണ് മത്സരം.നാളെ രാവിലെ 8ന് സങ്കേതിക വിദ്യാഭ്യാസ വകുപ്പ് ജോയിന്റ് ഡയറക്ടർ കെ.എൻ.ശശികുമാർ പതാക ഉയർത്തും.തുടർന്ന് വിദ്യാർത്ഥികളുടെ മാർച്ച് പാസ്റ്റ്,വൈകിട്ട് 5ന് ഡി.കെ.മുരളി എം.എൽ.എ കലോത്സവം ഉദ്ഘാടനം ചെയ്യും.9ന് വൈകിട്ട് 7ന് നടക്കുന്ന സമാപന സമ്മേളനം സി.ദിവാകരൻ എം.എൽ.എ ഉദ്ഘാടനം ചെയ്യും.ജില്ലാ പഞ്ചായത്ത് പ്രസിഡന്റ് വി.കെ.മധു അദ്ധ്യക്ഷത വഹിക്കും.കെ.എസ്.ശബരീനാഥൻ എം.എൽ.എ സമ്മാനദാനം നിർവഹിക്കും.ജി.സി.ഐ സൂപ്രണ്ട് വി.എസ്.മിനിമോൾ,ഡി.ഗോപൻ,മീന,സതീഷ് കുമാർ,രാജ്മോഹൻ എന്നിവരും വാർത്താസമ്മേളനത്തിൽ പങ്കെടുത്തു.