ആര്യനാട്:അഖിലേന്ത്യാ കിസാൻ സഭ ജില്ലാ സമ്മേളനത്തിന് ഇന്ന് ആര്യനാട്ട് തുടക്കമാകും.9ന് സമ്മേളനം സമാപിക്കും.ഇന്ന് വൈകിട്ട് ആര്യനാട് ജംഷനിൽ നടക്കുന്ന പൊതു സമ്മേളനം മന്ത്രി വി.എസ്.സുനിൽ കുമാർ ഉദ്ഘാടനം ചെയ്യും.സി.പി.ഐ സംസ്ഥാന അസിസ്റ്റന്റ് സെക്രട്ടറി കെ.പ്രകാശ് ബാബു മുഖ്യ പ്രഭാഷണം നടത്തും.കിസാൻ സഭ സംസ്ഥാന പ്രസിഡന്റ് ജെ.വേണുഗോപാലൻ നായർ,കെ.എസ്.അരുൺ,പൂവച്ചൽ ഷാഹുൽ എന്നിവർ സംസാരിക്കും.8ന് ഉച്ചയ്ക്ക് 2ന് നടക്കുന്ന ഭൂപരിഷ്കരണ നിയമവും കാർഷിക മേഖലയിലെ മാറ്റങ്ങളും എന്ന വിഷയത്തിൽ നടക്കുന്ന സെമിനാർ സി.പി.ഐ ജില്ലാ സെക്രട്ടറി ജി.ആർ.അനിൽ ഉദ്ഘാടനം ചെയ്യും.വി.പി.ഉണ്ണികൃഷ്ണൻ വിഷയാവതരണം നടത്തും.9ന് രാവിലെ 10ന് കെ.എസ് ആഡിറ്റോറിയത്തിൽ നടക്കുന്ന പ്രതിനിധി സമ്മേളനം കിസാൻസഭ അഖിലേന്ത്യാ സെക്രട്ടറി സത്യൻ മൊകേരി ഉദ്ഘാടനം ചെയ്യും.സംസ്ഥാന പ്രസിഡന്റ് ജെ.വേണുഗോപാലൻ നായർ,എൻ.ഭാസുരാംഗൻ,സ്വാഗത സംഘം ചെയർമാൻ എം.എസ്.റഷീദ്,സെക്രട്ടറി ഈഞ്ചപ്പുരി സന്തു,രാമചന്ദ്രൻ എന്നിവർസംസാരിക്കും.