ബാലരാമപുരം: ഐത്തിയൂർ ശ്രീ മഹാവിഷ്ണുക്ഷേത്രത്തിലെ ഉത്സവത്തോടനുബന്ധിച്ച് ക്ഷേത്രത്തിന് സമീപം നാട്ടിയിരുന്ന ഫ്ലക്സുകളും മറ്റ് രാഷ്ട്രീയപാർട്ടികളുടെ ഫ്ലക്സുകളും കുത്തിക്കീറി തീയിട്ടു നശിപ്പിച്ച് സ്ഥലത്ത് ബോധപൂർവം സംഘർഷം സൃഷ്ടിക്കാൻ ശ്രമിച്ച സംഭവത്തിൽ രണ്ട് പേർ അറസ്റ്റിൽ. ഐത്തിയൂർ കുഴിയംവിള വീട്ടിൽ പത്മനാഭൻ എന്ന ഷാജി (43)​,​ ഐത്തിയൂർ വലിയവിളാകത്ത് വീട്ടിൽ പെടലി ബിജു എന്ന ബിജു (36)​ എന്നിവരാണ് അറസ്റ്റിലായത്. ബാലരാമപുരം സി.ഐ ജി.ബിനു,​എസ്.ഐ വിനോദ് കുമാർ,​ അഡി.എസ്.ഐ തങ്കരാജ്,​സി.പി.ഒ സുനു എന്നിവരുടെ നേത്യത്വത്തിലാണ് പ്രതികളെ പിടികൂടിയത്. ഇവരെ റിമാൻഡ് ചെയ്തു.