കുഴിത്തുറ: കന്യാകുമാരി ജില്ലയിലെ വിവിധ സ്ഥലങ്ങളിൽ നിന്നും നഷ്ടമായ മൊബൈൽഫോണുകൾ നാഗർകോവിൽ എസ്.പി ഓഫീസിലെ സൈബർസെൽ വിഭാഗത്തിന്റെ നേതൃത്വത്തിൽ കണ്ടെത്തി. ജില്ലയിലെ വിവിധ പൊലീസ് സ്റ്റേഷനുകളിൽ ലഭിച്ച പരാതിയുടെ അടിസ്ഥാനത്തിൽ നടത്തിയ പരിശോധനയിലാണ് മൊബൈൽഫോൺ കണ്ടെത്തിയത്. കണ്ടെത്തിയ 80ഫോണുകൾ കന്യാകുമാരി ജില്ലാ സൂപ്രണ്ട് ശ്രീനാഥ് നാഗർകോവിൽ എസ്.പി ഓഫീസിൽ വച്ച് ഉടമകൾക്ക് കൈമാറി. ഫോണുകൾ പഴയവിലയ്ക്ക് വാങ്ങിയവരിൽ നിന്നും വില്പനയ്ക്ക് വച്ച കടകളിൽ നിന്നുമാണ് വാങ്ങിയതെന്ന് അന്വേഷണത്തിന് നേതൃത്വം നൽകിയ എ.എസ്.പി ജവഹർ പറഞ്ഞു.