ആറ്റിങ്ങൽ: ആറ്റിങ്ങൽ നഗരസഭ ഈ വർഷം പുതിയ നികുതികൾ ചുമത്തുന്നില്ലെന്ന് ചെയർമാൻ എം. പ്രദീപ് അറിയിച്ചു. വാണിജ്യ വ്യവസായ മേഖലയിലെ പ്രതിസന്ധി കണക്കിലാക്കി അടിയന്തര കൗൺസിൽ യോഗം ചേർന്നാണ് തീരുമാനമെടുത്തത്.

മാർക്കറ്റുകളിലെ ഫീസ് പിരിവ്,​ ബസ് സ്റ്റാൻഡിലെ ഫീസ് പിരിവ്,​ നഗരസഭാ വക ഷോപ്പിംഗ് കോംപ്ലക്സുകളിലും കച്ചവട സ്ഥാപനങ്ങളും വാടകയ്ക്ക് എടുത്ത് വ്യാപാരം നടത്തുന്നതിനുള്ള വാർഷിക വാടക എന്നിവയിലാണ് യഥാവിധിയുള്ള വർദ്ധനവ് ഒഴിവാക്കാൻ യോഗം തീരുമാനിച്ചത്.

ഇതേ ആവശ്യം ഉന്നയിച്ച് കേരള വ്യാപാരി വ്യവസായി ഏകോപന സമിതി,​ പ്രൈവറ്റ് ബസ് ഓപ്പറേറ്റീവ്സ് അസോസിയേഷൻ എന്നീ സംഘടനകൾ നിവേദനം നൽകിയിരുന്നു. ഈ സംഘടനകളുടെ നേതാക്കളുമായി ചെയർമാൻ ചർച്ച ചെയ്തു.