മലയിൻകീഴ് : ബൈക്കിൽ കഞ്ചാവ് വില്പന നടത്തിയ കേസിൽ അരുവിക്കര ഭഗവതിപുരം തിനവിള രാജേഷ് ഭവനിൽ രതീഷിനെ (21) വിളപ്പിൽശാല പൊലീസ് പിടികൂടി. വെള്ളിയാഴ്ച രാത്രി 11.45ന് കഞ്ചാവ് വില്പനയ്ക്കായി വിളപ്പിൽശാല ഊറ്റുകുഴിയിൽ ബൈക്കിലെത്തിയപ്പോഴാണ് വിളപ്പിൽശാല സി.ഐ സജിമോൻ,എസ്.ഐ.ഷിബു എന്നിവരുടെ നേതൃത്വത്തിൽ പിടികൂടിയത്.112 ഗ്രാം കഞ്ചാവും ഇയാൾ സഞ്ചരിച്ച ബൈക്കും കസ്റ്റഡിയിലെടുത്തു. പ്രതിയെ കോടതിയിൽ ഹാജരാക്കി.