തിരുവനന്തപുരം: പൊലീസ് സ്റ്റേഷ​നു​ക​ളിലും ബറ്റാ​ലി​യ​നു​ക​ളിലും ആഴ്ച​യിൽ ഒരി​ക്കൽ നട​ത്തുന്ന പരേഡ് ഇനിമുതൽ പൊതുസ്ഥല​ങ്ങ​ളിൽ സംഘ​ടി​പ്പി​ക്കും. പൊലീ​സിന്റെ ജന​മൈത്രി പ്രവർത്ത​ന​ങ്ങൾ​ ആകർഷകമാക്കു​ന്ന​തിനാ​ണി​തെന്ന് സംസ്ഥാന പോലീസ് മേധാവി ലോക്നാഥ് ബെഹറ അറി​യി​ച്ചു.

തിരു​വ​ന​ന്ത​പുരം സിറ്റി പൊലീ​സി​ലേയും വിവിധ ജില്ല​ക​ളി​ലുമുള്ള എല്ലാ ബറ്റാ​ലി​യനു​ക​ളി​ലേയും പൊലീസ് ബാന്റ് സംഘം ഇനി​മു​തൽ ആഴ്ച​യിൽ ഒരുദിവസമെങ്കിലും പൊതു​സ്ഥ​ലത്ത് ബാന്റ് വാദ്യം സംഘ​ടി​പ്പി​ക്കും. കൂടു​തൽ കുട്ടി​കളും നാട്ടു​കാരും ബാന്റ് മേളം കാണാൻ എത്തു​മെ​ന്നാണ് പ്രതീ​ക്ഷി​ക്കു​ന്ന​ത്. തിരു​വ​ന​ന്ത​പുരം നഗ​ര​ത്തിലെ വിവിധ പ്രദേ​ശ​ങ്ങ​ളിൽ പട്രോ​ളിം​ഗിനും മറ്റുമായി കുതി​ര​ പൊലീ​സിന്റെ സേവനം ഉപ​യോ​ഗി​ക്കും. ജില്ലാ പൊലീസ് മേധാ​വി​മാർ ജില്ല​യിലെ പ്രധാ​ന​പ്പെട്ട സ്ഥലത്ത് മാസ​ത്തി​ലൊ​രി​ക്കൽ പൊലീസ് നായ്ക്ക​ളുടെ പ്രദർശനം നട​ത്താനും ഡി.ജി.പി നിർദ്ദേ​ശി​ച്ചു.