തൃപ്പൂണിത്തുറ: അദ്ധ്യാപകനും പ്രഭാഷകനും നാടക രചയിതാവുമായിരുന്ന തെക്കുംഭാഗം പാവംകുളങ്ങര കൊല്ലിമുട്ടത്ത് വീട്ടിൽ അരവിന്ദാക്ഷൻ മാസ്റ്റർ (93) നിര്യാതനായി.ശ്രീനാരായണ ഗുരുവിനെക്കുറിച്ച് നാടകം രചിച്ചിട്ടുണ്ട് .സാമൂഹ്യ നാടകങ്ങളും രചിച്ചിട്ടുണ്ട്.ഗുരുമന്ദിരങ്ങളും വായനശാലകളും സ്ഥാപിക്കാൻ മുൻകൈയെടുത്തു.പ്രഭാഷകനായ ഡോ. ഗോപാലകൃഷ്ണൻ ഉൾപ്പെടെ നൂറുകണക്കിനു ശിഷ്യരുണ്ട് .

1947 ജനുവരി 5ന് പാലക്കാട് നെന്മാറ ബോയ്സ് ഹൈസ്കൂളിൽ അദ്ധ്യാപകനായിട്ടായിരുന്നു ഔദ്യോഗിക ജീവിതത്തിന് തുടക്കം. അയിരൂർ, ചെറായി, വേലൂർ, തൃപ്പൂണിത്തുറ എന്നിവിടങ്ങളിലെ സ്കൂളുകളിലും അദ്ധ്യാപകനായിരുന്നു. തൃപ്പൂണിത്തുറ ബോയ്സ് ഹൈസ്കൂളിൽ നിന്ന് 1983 മാർച്ച് 31ന് വിരമിച്ചു.ഭാര്യ: പരേതയായ കുമാരി.മകൾ: സുധാമതി (തിരുവാങ്കുളം പോസ്റ്റ് ഓഫീസ്). മരുമകൻ: എം.ജെ പ്രേംനാഥ് (റിട്ട. കൃഷി വകുപ്പു്).സംസ്കാരം ഇന്ന് രാവിലെ 10ന് തൃപ്പൂണിത്തുറ പൊതുശ്മശാനത്തിൽ.