തിരുവനന്തപുരം : ജില്ലയിലെ ഗാർഹിക പാചക വാതക സിലിണ്ടറുകളുടെ വിതരണ സംബന്ധമായ പരാതികൾ, വാതക ചോർച്ച കൊണ്ടുള്ള അപകടങ്ങൾ ഒഴിവാക്കുന്നതിനുള്ള നടപടികൾ തുടങ്ങിയവ ചർച്ച ചെയ്യാൻ ഇന്ന് വൈകിട്ട് 3ന് കളക്ടറേറ്റ് കോൺഫറൻസ് ഹാളിൽ ഓപ്പൺ ഫോറം നടക്കും. കളക്ടർ കെ. ഗോപാലകൃഷ്ണൻ അദ്ധ്യക്ഷത വഹിക്കും. ഗ്യാസ് ഏജൻസി ഉടമകൾ, ഓയിൽ കമ്പനി പ്രതിനിധികൾ, ഉപഭോക്തൃ സംഘടനാ പ്രതിനിധികൾ, പൊതുജനങ്ങൾ എന്നിവർക്ക് പങ്കെടുക്കാം.