തിരുവനന്തപുരം:നെടുമങ്ങാട് ഗവ. പോളിടെക്നിക് കോളേജിൽ അത്യാധുനിക സംവിധാനങ്ങൾ സജ്ജമാക്കുന്നതിന്റെ ഭാഗമായി 6.5 കോടി രൂപ ചെലവഴിച്ചു നിർമ്മിക്കുന്ന മൂന്നാം നിലയുടെ നിർമ്മാണോദ്ഘാടനം 25ന് ഉച്ചയ്ക്ക് 12ന് മന്ത്രി ജി. സുധാകരൻ നിർവഹിക്കും.സി. ദിവാകരൻ എം.എൽ.എ അദ്ധ്യക്ഷത വഹിക്കും. 62 ലക്ഷം രൂപ ചെലവിൽ നിർമ്മിക്കുന്ന വർക്ക്‌ഷോപ്പ് കെട്ടിട ശിലാസ്ഥാപനവും ലാംഗ്വേജ് ലാബിന്റെ ഉദ്ഘാടനവും മന്ത്രി കെ.ടി. ജലീൽ നിർവ്വഹിക്കും.അടൂർ പ്രകാശ് എം.പി മുഖ്യാതിഥിയാവും. നെടുമങ്ങാട് നഗരസഭ ചെയർമാൻ ചെറ്റച്ചൽ സഹദേവൻ,നഗരസഭ വൈസ് ചെയർപേഴ്സൺ ഡി.ലേഖാ വിക്രമൻ എന്നിവർ പങ്കെടുക്കും.