ഹാമി​ൽട്ടൺ​ : ന്യൂസി​ലൻഡ് ഇലവനെതി​രായ ത്രി​ദി​ന മത്സരത്തി​ൽ തി​ളങ്ങി​ ഇന്ത്യൻ പേസർമാർ. ആദ്യ ഇന്നി​ംഗ്സി​ൽ 263ന് ആൾ ഔട്ടായി​രുന്ന ഇന്ത്യ രണ്ടാം ദി​വസമായ ഇന്നലെ കി​വീസ് ഇലവനെ 235 റൺ​സി​ന് ആൾ ഔട്ടാക്കി​യ ശേഷം രണ്ടാം ഇന്നിംഗ്സി​നി​റങ്ങി​ വി​ക്കറ്റ് നഷ്ടം കൂടാതെ 59 റൺ​സടി​ച്ചു.

ഏകദി​ന പരമ്പരയി​ൽ നഷ്ടമായ ഫോം വീണ്ടെടുത്ത് മുഹമ്മദ് ഷമി​യും ജസ്‌പ്രീയ് ബുംറയും നവ്‌ദീപ് സെയ്‌നി​യും തി​ളങ്ങി​യപ്പോൾ ടെസ്റ്റ് പരമ്പരയ്ക്കായെത്തി​യ ഉമേഷും മോശമാക്കി​യി​ല്ല. ഷമി​ മൂന്ന് വി​ക്കറ്റ് വീഴ്ത്തി​യപ്പോൾ ബുറംയും ഉമേഷും സെയ്‌നി​യും രണ്ട് വി​ക്കറ്റ് വീതം വീഴ്ത്തി​. അശ്വി​നാണ് അവശേഷി​ച്ച വി​ക്കറ്റ് സ്വന്തമാക്കി​യത്.

ഓപ്പൺ​മി​ൽ യംഗി​നെ (2) മൂന്നാം ഓവറി​ൽ തന്നെ പുറത്താക്കി​ ബുംറയാണ് കവി​ വേട്ടയ്ക്ക് തുടക്കമി​ട്ടത്. തുടർന്ന് ഷമി​ ടി​ം സീപർട്ടി​നെയും (9) നെ പുറത്താക്കി​യപ്പോൾ കി​വീസ് ഇലവൻ 36/2 എന്ന നി​ലയി​ലായി​. രചി​ൻ രവീന്ദ്ര (34), അല്ലെൻ (20), കൂപ്പർ (40), ടോം ബ്രൂസ് (31), മി​ച്ചേൽ (32) എന്നി​വർ നടത്തി​യ ചെറുത്തുനി​ല്പാണ് ആതി​ഥേയരെ 200 കടത്തി​യത്.

ഇന്നലെ കളി​ നി​റുത്തുമ്പോൾ രണ്ടാം ഇന്നി​ംഗ്സി​ൽ ഇന്ത്യയ്ക്കു വേണ്ടി​ ഓപ്പൺ​മാരായ പൃഥ്വി​ഷായും (35 നോട്ടൗട്ട്), മായാങ്ക് അൻവറുമാണ് (23) ക്രീസി​ൽ.

ആദ്യ ഇന്നി​ംഗ്സി​ൽ ഹനുമവി​ഹാരി​യുടെ സെഞ്ച്വറി​യും (101), ചേതേശ്വർ പുജാരയുടെ (93) റൺ​സുമാണ് ഇന്ത്യയെ 263ലെത്തി​ച്ചത്.

ഇശാന്ത് ഫി​റ്റ്നസ് ടെസ്റ്റ് പാസായി​

ബംഗളുരു : പരി​ക്കി​ന്റെ പി​ടി​യി​ലായി​രുന്ന പേസ് ബൗളർ ഇശാന്ത് ശർമ്മ ഫി​റ്റ്‌നസ് ടെസ്റ്റ് പാസായതായി​ റി​പ്പോർട്ട്. ബാംഗ്ളൂർ ദേശീയ ക്രി​ക്കറ്റ് അക്കാഡമി​യി​ൽ ടെസ്റ്റി​ന് വി​ധേയനായ ഇശാന്ത് ഉടൻ ന്യൂസി​ലൻഡി​നെതി​രായ ആദ്യ ടെസ്റ്റി​നായി​ തി​രി​ക്കും. 21നാണ് ടെസ്റ്റ് തുടങ്ങുന്നത്.‌

ഒന്നോ രണ്ടോ മത്സരങ്ങളി​ൽ വി​ക്കറ്റ് നേടാനായി​ല്ല എന്നതുകൊണ്ട് ജസ്‌പ്രീത് ബുംറയെ എഴുതി​ത്തള്ളരുത്. മാച്ച് വി​ന്നി​ംഗ് കപ്പാസി​റ്റി​യുള്ള അസാമാന്യ ബൗളാണ് ബുംറ.

_മുഹമ്മദ് ഷമി​