ബാലരാമപുരം:ബാലരാമപുരം ഗവ. ഹയർസെക്കൻഡറി സ്കൂളിലെ 1996 - 97 ബാച്ച് പൂർവവിദ്യാർത്ഥികളുടെ കൂട്ടായ്മയായ ക്ലാസ്‌മേറ്റ്സിന്റെ മൂന്നാം വാർഷികാഘോഷത്തോടനുബന്ധിച്ച് മജ്ജമാറ്റിവയ്ക്കൽ ശസ്ത്രക്രീയക്ക് വിധേയായ അഭിരാമിക്ക് ക്ലാസ്മേറ്റ്സ് സമാഹരിച്ച തുക അഡ്വ.എം.വിൻസെന്റ് എം.എൽ.എയ്ക്ക് കൈമാറി. ബാലരാമപുരം കൽപ്പടി ആ‌ഡിറ്റോറിയത്തിൽ നടന്ന സൗഹൃദസദസിൽ പ്രവീൺ അദ്ധ്യക്ഷത വഹിച്ചു.സ്കൂളിലെ മുൻകാല അദ്ധ്യാപകരായ ശിവശങ്കരൻ,വേലപ്പൻ ആശാരി,കൃഷ്ണൻകുട്ടി,ലീല,ഉഷ,ലീല എന്നിവരെ ആദരിച്ചു. പൊതുപ്രവർത്തകരായ മോഹനൻ,രാജീവ്,പരുത്തിമഠം ഗിരീഷ്,ക്ലാസ്മേറ്റ്സ് സെക്രട്ടറി മുനീർ,ട്രഷറർ ശ്യാം, സബീർ,സജീവ്,സുമേഷ്,ശബരി,സുധീപ് കുമാർ,രതീഷ് തുടങ്ങിയവർ സംബന്ധിച്ചു.